滙豐夥長春社推綠康巴 傷健出行更環保

傷健人士出行常遇到諸多不便，公關姊妹同黛安講，滙豐銀行慈善基金與長春社合作，推出全港首個綠色復康巴士（綠康巴）先導計劃，支持本港社福機構轉用電動車，為傷健人士提供無障礙交通服務。呢個先導計劃為期3年，7家獲選參與嘅社福機構將獲分配1輛無障礙電動巴士「綠康巴」，預計期內合共可服務超過80,000名使用者。計劃將為參與機構喺充電設施和優化行走路綫方面提供支援，幫佢哋邁向低碳轉型。單是呢個計劃能減少嘅碳排放，已相等於多種2,000棵樹喇。

投放1億美元 聚焦環保創新方案

公關姊妹話，綠康巴先導計劃係「滙豐氣候解決方案夥伴計劃」嘅一部分；夥伴計劃旨在結合滙豐嘅金融和商業領域嘅專長，以及社福機構嘅經驗，實踐創新嘅氣候解決方案。滙豐去年公布推出夥伴計劃時，已宣布會喺全球投入1億美元，聚焦能源轉型和氣候相關嘅創新方案，黛安都覺得計劃好有意義，好值得支持。