好聲好戲︳吳幸美神還原《棟篤神探》蔡少芬 《愛回家》三太樊亦敏表現甩轆獲2綠9紅低分數

第二季《好聲好戲》昨晚（6日）輪到第二組參賽藝人上陣，包括樊亦敏、黃嘉樂、吳幸美及黃智賢。吳幸美在熱身回合聲演《棟篤神探》「李慧慧」這個角色，可謂神還原蔡少芬的語調，獲評判們激讚。相反樊亦敏在打分環節聲演《山水有相逢》李司棋就「甩轆」，講對白不清晰，換來2綠9紅的低分數，晉級有點困難。

{{hket:inline-image name="09071001.jpg"}}{{/hket:inline-image}}

{{hket:inline-image name="09071004.jpg"}}{{/hket:inline-image}}

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

《好聲好戲》這晚由第二組藝人作賽，評判及嘉賓亦略有不同，主席評判由阿姐、戲劇部高級經理文偉鴻，及知名配音員梁少霞組成，專業評判則有龍天生、黃鳳英、翟耀輝、蕭徽勇、曾秀清及陳皓宜等配音從業員，打氣藝人則是謝東閔、陳浚霆。在第一個熱身環節，打頭陣的樊亦敏聲演《成語動畫廊》「沉月落雁」故事中的兩條魚；黃嘉樂聲演《家變》任達華，吳幸美聲演《棟篤神探》蔡少芬，而壓軸的黃智賢就揀了《難兄難弟》「李奇」羅嘉良的片段。

好聲好戲丨袁偉豪聲演丁蟹唔夠火 分數落後 出post寸爆斥節目配樂喧賓奪主【下一頁】

吳幸美受到評判一致讚賞，阿姐表示：「覺得佢直情就係蔡少芬！好入戲。」龍天生說：「啱啱睇段片，其實可以遮住佢個口嚟睇，睇佢眼神就得，佢好配個角色！」黃鳳英也連聲讚好，「好好好！好似蔡少芬！」曾秀清的評價亦不差，「佢可以嚟做配音員嘞，配得好好。」對於神還原的表現，吳幸美笑稱：「呢個角色比較搞笑，我本身個人都有啲gag gag哋，所以就揀佢。（今次參賽想有咩得著？）除咗平時做節目講旁白，都想學吓用唔到聲音去配音，（點解咁入戲？）其實自己都有份做呢套劇，我就特別留意蔡少芬。」

{{hket:inline-image name="09071006.jpg"}}{{/hket:inline-image}}

{{hket:inline-image name="09071003.jpg"}}{{/hket:inline-image}}

好聲好戲︳龍神號配音員現真身講潮爆對白 姜麗文爆嫲嫲30年代做配音【下一頁】

不少網民在官網留言讚吳幸美表現，「吳幸美似蔡少芬把聲...話時話好耐冇睇蔡少芬啲劇」、「幸美好犀利啊，真係好似蔡少芬把聲」、「吳幸美真的太驚喜，太意外了，開口說話時我都以為是蔡少芬把聲」及「又來了一個高手」等等。

（↓點擊放大睇圖片↓）

同場的樊亦敏在熱身回合有不錯表現，可是到打分環節聲演《山水有相逢》李司棋卻出事，咬字及情緒未能配合，明顯信心不足，結果只獲2綠9紅的低分數，其中1盞綠燈是《愛回家》「風少」陳浚霆給予她「安慰」，擺到明力撐拍檔「三太」。

阿姐批評樊亦敏，表示：「佢唔係好投入到，唔係好聽到佢講乜嘢。」文偉鴻亦同意，說：「我係有啲失望，我同你合作過，我知道你一定做到呢場戲...但係點解我咁猶豫？點解畀紅燈？我係想盡快指出問題。你由第一段戲開始，咬字上真係完全聽唔清楚。係嘅，單方面睇，情緒表達係恰到好處，但你都要畀觀眾聽清楚內容係咩！」黃鳳英亦稱：「認同監製所講，你第一句說話已經唔清楚，冇層次。」

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】