新一輯《好聲好戲》於星期一晚（29日）首播，主持人由首輯的阮兆祥，配搭去年三強之一的馮盈盈，主席評判是阿姐汪明荃、金牌監製潘嘉德及資深配音員林國雄組成，專業評判團包括張頌欣、李凱傑、曹啟謙及陸惠玲等TVB專業配音員，而龍天生及黃鳳英繼續擔當導師兼評判。至於今輯共有12位藝人參與，第一組參賽者是蘇韻姿、戴耀明、姜麗文及袁偉豪。
同場加映：林家謙自嘲「手語式」跳舞 意外後開騷有壓力 機關人性化
{{hket:ul-video id="6428"}}{{/hket:ul-video}}
《好聲好戲》開首向已故專業配音員致敬，計有譚炳文、源家祥、盧雄、謝月美、林保全、盧素娟、朱子聰及陳廷軒，阿姐對鏡頭表示：「純粹用聲音去演好一場戲，係絕不簡單，好幸運，我哋香港有呢班專業精英。多謝你哋，每一位香港專業嘅配音員。」旁白加以補充：「無論邊一個世代嘅配音員，雖然你哋唔知佢哋嘅樣貌、名字，但一定聽過佢哋嘅聲音。佢嘅作品跨越世代，陪伴你嘅父母、你自己，甚至你嘅子女成長。」
好聲好戲丨蘇韻姿中文僅達幼稚園程度 《愛回家》5年下苦功 獲全綠燈認可【下一頁】
之後請來不少知名配音員現身，親自向大家分享多年來工作感受，包括梁少霞（代表作《多啦A夢》源靜香、《美少女戰士》水野亞美），盧國權（代表作《奪寶奇兵》鍾英迪、《He-Man》阿當王子），凌晞（代表作《延禧攻略》明玉、《童心四姊妹》坂東堇），張頌欣（代表作《進擊的巨人》米卡莎‧阿卡曼、《聖鬥士星矢Omega》雅典娜），陸惠玲（代表作《Keroro軍曹》Keroro、《多啦A夢》野比大雄），黃鳳英（代表作《麵包超人》麵包超人、《多啦A夢》小夫），曾秀清（代表作《螢之光》雨宮螢、《一公升眼淚》池內亞也），李鎮然（代表作《幪面超人W》菲利普/園咲來人、《三生三世十里桃花》墨淵）等，陣容強勁。
梁少霞今次驚喜現身，透露她有一個經典的角色，差不多配音接近30年時間，相信所講的應該是「靜香」，暫時不知道梁少霞會否在往後集數出現，觀眾屆時密切留意；同樣有份參與《多啦A夢》的黃鳳英，指配音並不簡單，工作只有開工時間，但卻冇收工時間。曾秀清爆她試過有三個月時間沒有見過爸爸。
好聲好戲│陳自瑤大熱奪冠有望再開第二季 阿姐要求為她開戲竟然係《侏羅紀》？【下一頁】
不過，今次最特別當然是主席評判之一的資深配音員林國雄，雄哥曾聲演《魔神英雄傳》主角飛雲駕駛的機械人「龍神號」，當中經典對白「機會嚟啦，飛雲！」，今時今日已變成潮語，而他另一齣代表作，就是在《龍珠》中聲演孫悟空，一句「龜波氣功」陪伴不少港人成長。主持人阮兆祥介紹他出場就話：「雄哥係1971年加盟TVB配音組，咁多年嚟已過半世紀，創造咗無數經典嘅角色。《魔神英雄傳》當中，你有一句非常之經典嘅對白，已經成為大熱嘅潮語，可唔可以喺現場同我哋示範一吓。」雄哥即場講出「機會嚟啦，飛雲！」及「龜波氣功」，令大家回憶返晒嚟。當被問到如何才算是出色配音員？雄哥說：「你心目中將個角色點樣做，自己就配出嚟。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
第一組參賽者這晚首次見評判，各人自選片段作熱身，當中被封「語言奇才」的姜麗文，就聲演《射鵰英雄傳》俏黃蓉（翁美玲飾），獲得潘嘉德力讚，指她配得準又嬌俏，黃鳳英更憑聲音認出是姜麗文。姜麗文出場後用多國語言跟大家打招呼，包括英語、國語、日語及菲律賓語。問到今次參賽目的？她說：「想挑戰自己，因為本身好介意我嘅鬼妹仔口音，同埋好特別嘅，就係我嫲嫲喺30年代嗰陣做配音演員，所以想挑戰自己，好似跟嫲嫲行同一樣嘅路。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】