莫少聰身兼父職供弟弟讀書 莫少康爆與兄10多年冇見面

現年61歲的莫少聰定居北京多年，篤信藏傳佛教的他，生活變得簡單低調。莫少聰在80年代簽約邵氏出道，當時他只有19歲，先後在麗的電視、無綫拍攝劇集，由於外形俊俏，他甚有觀眾緣，故此吸引不少片商垂青，邀他拍電影，最為人熟悉的作品，有《最佳女婿》、《中國最後一個太監》、《沖天小子》、《龍鳳茶樓》、《帶子洪郎》等等。

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

{{hket:inline-image name="101.JPG"}}{{/hket:inline-image}}

{{hket:inline-image name="05.jpg"}}{{/hket:inline-image}}

一直默默耕耘，全都是為了家人，莫少聰對弟弟莫少康一直供書教學，供他至上大學。莫少康跟哥哥一樣，擁有一雙大眼睛，笑起來時，跟哥哥的確有點似樣。莫少康現時居於美國洛杉磯，現職電台DJ和鳳凰衛視香港台主播，他日前接受前港姐林穎嫺YouTube頻道訪問，透露兩兄弟已有10多年沒見面，莫少康說：「好多人都會話『你兩兄弟係咪成日都見面？』好老實講，我同佢係好少見面，甚至乎好少傾電話，但係咪感情唔好呢？又唔係，由細到大，佢都好take care我，佢就好似我爸爸一樣，因為我爸爸好早就離開咗，佢就身兼父職，都係佢供我讀書，所以我好多謝、好感激阿哥。」

莫少聰失婚獨自湊大7歲女 頻頻做善事洗心革面【下一頁】

{{hket:inline-image name="102.JPG"}}{{/hket:inline-image}}

莫少康續指，由於哥哥大他10年，所以小時候已經甚少見到哥哥，他說：「因為佢好早已經入行，嗰陣時喺邵氏，佢出去拍嘢，其實我同佢一齊住只係兩年幾嘅時間，跟住我就去咗加拿大讀書；到我有問題嘅時候，我先會搵佢，『阿哥，可唔可以幫幫手解決？』佢會幫我，但我平時唔理佢，呢個係我自己衰，而家佢喺北京，我喺洛杉磯，間唔中會因為家庭嘅事會傾吓，但見面真係好耐好耐之前，對上一次見面已經係10幾年，當時佢囡囡仲係手抱。」

60歲莫少聰內地商演老態盡現 西裝滿摺痕 網民：混到這地步?【下一頁】

{{hket:inline-image name="6f50c9e9ly1gi68vrunnhj256o3ggu15.jpg"}}{{/hket:inline-image}}

{{hket:inline-image name="0022o76Vly1gtzqfpvu6rj60u0140jx002.jpg"}}{{/hket:inline-image}}

一直以來，莫少康都被標籤為「莫少聰細佬」，笑言有個日本名，更笑說：「林穎嫺小姐咁冰雪聰明都會咁講。」林穎嫺一臉尷尬，以笑遮醜，莫少康即說：「其實唔止你，好似白姐姐（白韻琹），我訪問過佢幾次，佢永遠都係講『聰仔、聰仔』，我想同佢講『我係康仔』，但又唔好意思，搞到成個節目都係聰仔，所以係做有名嘅人細佬嘅苦處，不過我都開心，原來我都可以掹到我阿哥嘅車邊，都有啲光彩。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】