愛我啤酒︱57歲「烏鴉」張耀揚肌肉綻爆恤衫 攬中女唱《誰令你心痴》再騷歌喉

現年57歲嘅張耀揚曾喺電影系列《古惑仔》中扮演烏鴉同東星耀揚，霸氣「大佬」形象深入民心。早年佢已經離開娛樂圈轉戰澳門發展賭業，並經常行善，舊年8月佢就同莫少聰、林國斌、張敏等人去到青藏高原嘅青海玉樹，到貧困村落扶貧。

{{hket:inline-image name="73fd2290-be83-497e-8c21-7855103b42b4_600.jpg"}}{{/hket:inline-image}}

雖然已經冇再喺娛圈打滾，但張耀揚一啲都冇「鬆懈」，仍然keep住當年拍電影時嘅身形，甚至係有過之而無不及！上年9月佢就俾朋友「出賣」post出一張佢食住雪茄玩電話嘅型仔相，相中嘅佢戴住黑超chok爆，網民都大讚佢型到核爆！

（↓點擊放大睇圖片↓）

日前，張耀揚再有一輯近照喺微博上流傳。身穿深藍色條紋西裝背心嘅佢渾身肌肉，幾乎將背心裏面嘅恤衫逼爆。佢亦無懼一頭銀髮顯老，由得佢自然生長，束起一條小馬尾，佬味爆燈！之後抖音流出佢同一名女士合唱嘅片段，原來係耀揚早幾日出席好朋友飯局「上海灘之夜」，興之所至大展歌喉。

雖然未知佢有冇再獻唱《愛我別走》，但張耀揚左手搭住一名中女，合唱《誰令你心痴》，可惜片段啱啱錄唔到張耀揚獻唱，但都見到佢跟住音樂打拍子搖擺身體，睇嚟相當享受。