MarieBelle New York 推限定手工月餅

唔少品牌推出嘅月餅愈來愈精緻，黛安聽聞，著名朱古力品牌MarieBelle New York今年推出嘅限定版「月夜‧手工月餅禮盒」，包括「手工流心朱古力海鹽月餅」和「手工流沙奶黃月餅」兩款月餅，前者以日本高級麵粉、法國海鹽及可可粉新鮮手工製成；後者就以日本高級麵粉混入新鮮鹹蛋黃，配埋法國高級發酵牛油和忌廉手工製成鬆軟餅皮，包裹着混入鹹蛋黃碎粒嘅流心奶黃，散發着濃郁甘香，由餡料混合至外形設計，都好用心製作。

另外，品牌仲會推出兩個創新嘅手工甜品系列，包括香港與美國同步發行嘅4款中秋限定圖案軟心朱古力，以及6款手工製Gelato意式雪糕，等大家可與親朋好友齊齊過一個甜蜜又清涼嘅佳節。產品即日起喺尖沙咀海港城及銅鑼灣崇光百貨有售喇。