李成昌怕先行一步太太冇人照顧 唔擔心囡囡識鬼仔男朋友

李成昌入行43年，演出過無數角色，其演技已是公認的好；在戲外，他卻是一位廿四孝老公和爸爸，當年想到如將來自己先走一步，太太由誰來照顧呢？想到這一點，李成昌決定生兒育女，而女兒今年已經21歲，李成昌表示：「佢呢一世嚟到呢度遇到我，我都要令到我個女開開心心！」

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="13.JPG"}}{{/hket:inline-image}}

最近，李成昌接受《香港演藝人協會》訪問，提及與太太結婚29年，二人最初沒打算生小朋友，他說：「點生啫？老婆又忙，我又忙，點顧呀？算啦，唔好生喇！因為我阿哥都有兩個仔。點知有次去日本，喺百貨公司門口有一堆米妮公仔，我老婆拎住米妮公仔影相，返到香港，曬咗張相掛喺屋企，有日望到啲相，好過癮，老婆好似抱住個女咁，我諗好多嘢，如果我突然之間有咩事，邊個陪我老婆呢？突然浮現咗一樣嘢，不如趁而家仲後生同老婆商量，老婆都話好好好。」

雖然有了生小朋友計劃，不過李成昌夫婦沒有想過喜歡仔定女；到了太太產前檢查時，他指醫生有一個很奇怪的反應，李成昌說：「佢話都唔知講唔講好，因為佢驚我哋鍾意男仔，尤其係我。當我哋知道係女，嘩，我哋幾開心呀，我唔當我個女係女，我覺得佢呢一世嚟到呢度係同我做朋友，我喺呢世遇到佢，佢又遇到我，我覺得我有能力......除非係犯法嘅嘢，或者我要去賣當借，我都要令到我個女開開心心，但我老婆話佢一定要做奸，一定要平衡，如果我縱得個女太緊要，咁就慘喇！」

{{hket:inline-image name="11.JPG"}}{{/hket:inline-image}}

{{hket:inline-image name="12.JPG"}}{{/hket:inline-image}}

【TVB服務41年】李成昌為家人安份守己做綠葉 棄爭主角：「長遠地做實力演員」【下一頁】
女兒在14歲半的那一年，獨自到英國留學，李成昌表示幸好現今科技發達，可以跟女兒隨時聯絡，「我同老婆都忙，冇陪佢飛過去，但有監護人喺嗰邊機場接佢，好彩而家有WhatsApp，佢過到去傳張相畀我哋，放佢過去留學，好多嘢都預咗，如果佢要留喺嗰邊做嘢或者定居，將來我哋退休，咪過去探佢囉，如果返嚟香港發展就仲好啦，我哋兩公婆仲開心，所以唔緊要，就算佢識男朋友係鬼佬都唔緊要。都係嗰句，佢嚟呢個世界識到我，我都係想佢開心啫！」

李成昌感激「懋叔」教路買樓成家 捐骨髓救患癌胞姊花4年才復元【下一頁】
李成昌在1979年簽約無綫出道，獲安排演出長壽處境劇《香港八一》至《香港八六》，其飾演的「康仔」一角深入民心，李成昌表示：「當時李我叔、懋叔（黃新 飾演）講好多以前啲嘢，我學咗好多嘢；同埋（早上）9點開廠，劇本係通宵寫，所以個劇本好亂，改嚟改去。初初我哋好唔慣，慢慢就慣睇呢啲劇本，冇辦法，因為一個鐘後就要開廠，而且係即晚出街，所以訓練到我哋嘅口鉗、對白、記性係好正！」

李成昌演出過無數劇集，綠葉或是配角都演過，他認為自己比很多人幸福，他說：「最近喺新劇《凶宅清潔師》演一個法師，我真係冇演過（這類角色），仲有喺《靈戲逼人》演大老倌，對我都係挑戰。」對於在2012年獲頒「傑出演員」獎，他坦言因得到公司認同而感到很開心。在2019年，李成昌得到服務無綫40年的金牌，他說：「我今年就退休，但只係數字啫，我哋點會退休吖，睇公司點同我哋簽囉，早排咪成日話TVB同藝員簽一個show，老就趕人走，我覺得商業社會就係咁，你有知名度就有利用價值，就會畀好多錢你，一定有佢嘅睇法，再唔係咪返大陸發展，如果有人肯請我，唔好講配角，只要個角色好正，而我能力做到，我都會做！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】