演藝人協會丨郭鋒如浪子三出三入無綫 過檔麗的驚見兩個「叛徒」

現年70歲的資深演員郭鋒，原名郭民富，讀書時期，他對話劇產生興趣，所以在1972年投考無綫第一期藝員訓練班，同班同學有甘國亮、許紹雄、蘇杏璇、金興賢、陳嘉儀、陳美琪、莊文清、程可為等等。畢業後，在劇集《浪子》首次擔任男主角，至今參與了過百套劇集，包括《倚天屠龍記》、《奮鬥》、《楚留香》、《萬水千山總是情》、《創世紀》、《尋秦記》、《造王者》等等。

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

{{hket:inline-image name="2700573e8e94b4e47d796eb33e4ac9e3_600.jpg"}}{{/hket:inline-image}}

{{hket:inline-image name="10.JPG"}}{{/hket:inline-image}}

最近，郭鋒接受「香港演藝人協會」訪問，他透露未入無綫前，曾在1970年投考了第五期國泰電懋電影公司，而且幸運地考上了。正當準備簽約之際，卻因老闆遇上意外，公司無奈要改組；恰巧當時無綫第一期藝員訓練班招募演員，從小看電視長大的郭鋒，當然沒有錯過這個機會，被取錄後，讀了一年就正式進軍電視圈。

郭鋒的第一部劇集，就是由前輩級的劉芳剛老師所執導的《浪子》，而且又擔任男主角，他憶述當時心情十分緊張。提到九龍塘廣播道的「四台山」，有無綫、麗的、佳視、港台，郭鋒說：「我同無綫簽咗兩年，嗰陣時每兩年一期，喺第二年之後，麗的需要人，高亮叔靜靜雞打畀我，約我出去傾，傾好咗喇，梗係唔講畀無綫知啦......呢啲嘢唔奇怪，哈哈，唔續約（無綫），就跳咗過去麗的，點知不約而同有3個『叛徒』，我、許紹雄、劉緯民，大家都喺嗰邊（麗的）出現。」

好耐冇見︱郭鋒石修聚頭EYT傾起雞啄唔斷 年紀差3歲被網民指似兩代人【下一頁】

在麗的的日子，郭鋒因拍攝《無語問蒼天》而認識了歐陽佩珊，二人於1977年結婚。就這樣，在麗的4年，無綫出招搶人，郭鋒和歐陽佩珊在1978年再次返回無綫，他說：「其實我出入無綫都有3次，第一套劇嘅劇名《浪子》好似預言咁，哈哈，跳嚟跳去，其實大家都係走嚟走去，好熱鬧，氣氛又好，因為大家都係良性競爭，大家去提升演技。」

郭鋒參演過很多劇集，當中有《萬水千山總是情》莊夢蝶的哥哥莊有為、《創世紀》的霍景良、《尋秦記》的呂不韋等等，都受到觀眾喜愛而且印象深刻，不過他說：「我覺得每套都一樣，每套都要盡自己能力去創造角色，做好自己本分，其實我睇番幾套較出名嘅作品，我都覺得自己有不足之處，冇滿意㗎，如果你覺得嗰套係代表作，你就會停留喺嗰度，應該要繼續去鑽研，點樣令演戲有藝術性，演戲係有深度。」

【愛妻病逝3年】郭鋒承諾一生一世愛歐陽佩珊 念亡妻温婉嫻淑 鶼鰈情深40年【下一頁】

{{hket:inline-image name="13_600.jpg"}}{{/hket:inline-image}}

{{hket:inline-image name="12_600.jpg"}}{{/hket:inline-image}}

郭鋒和太太歐陽佩珊結婚40年，一直十分恩愛，兩人形影不離，可惜在2017年，歐陽佩珊因癌症病逝，剩下一人，至今總算捱過難過的日子。郭鋒在訪問中表示，他坦言對親友的關心深存感激，「好多都係太太嘅學生，佢哋好關心我，亦都好擔心我，初時我的確係跌咗落去（心情低落），而家講起都有啲心酸。其實一個人嘅生命價值，睇你點睇，有啲事業為重，有啲家庭為重，家庭係我人生中最大嘅得著，好幸運，而事業令到我認識咗我太太，呢個係天意一個安排。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】