結婚33年丨杜燕歌為太太放棄澳洲一切返港 婚姻全靠忍讓 韓馬利：好感激佢

現年65歲的杜燕歌與韓馬利結婚33年，當中少不免有甜酸苦辣。杜燕歌透露曾寫了一首詩，不時提醒自己和太太，要給予彼此空間，互相包容就是維繫婚姻之道。當年，他們婚後定居澳洲坎培拉，後來因為韓馬利，杜燕歌決定為她放棄當地的一切，陪她回港生活。

同場加映：《FRENEMY》演唱會｜張天賦洪嘉豪組「賦豪CP」是敵是友 相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

{{hket:inline-image name="63846e61gw1f8otgmvhp2j21bd0qotm2.jpg"}}{{/hket:inline-image}}

{{hket:inline-image name="28.JPG"}}{{/hket:inline-image}}

在北京出生及成長的杜燕歌和在港土生土長的韓馬利，早前分別接受「香港演藝人協會」訪問，杜燕歌指自己年輕時頗英俊，笑指自己從不主動追女仔，「我通常被人追，甚至我去睇戲，都會有人篤我，畀張紙條我，一睇，係Call機冧巴，喺彌敦道行行吓，都有女仔畀紙條我......係當年，而家梗係冇，而家我篤畀人都冇人要！」

一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」【下一頁】

杜燕歌在18歲時移居香港，1975年投考邵氏兄弟第5期演員訓練班，被錄取後編入配音組；1979年華星舉辦了A屆歌唱比賽，當年憑《明日天涯》奪得冠軍，於是就簽約華星，「華星應承寫歌畀我，跟住送我去日本接受舞台訓練，半年過去，咩都冇，剩係叫我唱《歡樂今宵》，我話都唔係我啲歌，成日叫我唱人哋啲歌。過咗一段時間，既然做唔到我想要嘅嘢，不如解約。」其後，杜燕歌在新加坡登台時認識了首任太太，之後在香港結婚，並移民澳洲，不過最終離婚收場。

無綫長期服務金牌│韓馬利入行40年因病改變人生觀 鍾志光蘇恩磁30年來火花十足【下一頁】
回復單身的杜燕歌，每年都會返港見朋友，客串配音工作。有一年，他與一眾藝人茶聚時，被韓馬利「盯上」，他說：「嗰陣時我仲喺澳洲住，佢喺香港，我哋幾乎晚晚長途電話，最長時間會傾幾廿分鐘、一個鐘頭，但當年長途電話費好貴，我話不如畀張機票你過嚟玩啦，因為佢未嚟過澳洲。」於是，韓馬利飛往澳洲見杜燕歌，他續說：「大家越嚟越傾得埋，『你肯唔肯嫁畀我？』、「你肯唔肯娶我？』，我話肯呀，佢話『我都肯呀！』我哋就喺1989年結婚。」

{{hket:inline-image name="7c838dc3gy1gkxzsob7twj22da1ql4d9.jpg"}}{{/hket:inline-image}}

{{hket:inline-image name="11.JPG"}}{{/hket:inline-image}}

韓馬利病後首度露面精靈見親友 杜燕歌化身大廚為愛妻煮大閘蟹【下一頁】

兩人在澳洲坎培拉生活，由於杜燕歌在當地開餐館，由於生意很好，令到他們見面時間漸漸減少，韓馬利每天只是等老公回來食飯。因為感到孤單，她不得已向杜燕歌提議「不如返香港」，杜燕歌說：「嗰陣時我啱啱買咗樓，畀人設計、起緊，好靚㗎，我話『既然你咁想，冇所謂啦！』我份人......性情中人，好，結束晒啲生意、賣晒啲車、賣咗層樓，同佢返去（香港）。」韓馬利說：「佢有日同我講，如果真係唔鍾意呢度，我就同你返香港，所以我好感激佢，佢話不如到我哋老咗，真係要退休先返嚟澳洲。」

{{hket:inline-image name="63846e61gw1f8ph7hwc9zj20qo1bdtmb.jpg"}}{{/hket:inline-image}}

{{hket:inline-image name="63846e61ly1fsfo1n2llzj20qo1bf48j.jpg"}}{{/hket:inline-image}}

結婚33年，相處總有磨擦，杜燕歌指自己寫了一首詩掛在客廳，他說：「『甜甜酸，苦苦辣，遷遷就，忍忍讓。』我周不時望一望，當佢發脾氣嘅時候，咪就吓佢囉；當我心情唔好，佢會靜一靜，畀我一個空間，唔好同我講嘢住，等我思考一下。兩個人嘅空間，相信對方，唔好追得咁緊，呢樣係好重要。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】