有個閨密叫祖藍｜張晉霸氣收服蔡少芬唔再亂講分手 不解溫柔變「浪漫直男」全靠撒嬌妻

由王祖藍擔任主持的綜藝節目《有個閨密叫祖藍》，第一集邀請了相識超過16載的蔡少芬（Ada），祖藍除了要接受「閨密快問快答」測試外，還要孖老友應付製作組準備的「閨密任務」；「閨密任務」老是失驚無神出現，Ada忍不住慨嘆「點解上個節目都咁忙」。

同場加映：《FRENEMY》演唱會｜ 張天賦洪嘉豪組「賦豪CP」是敵是友 相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

快人快語的Ada在節目中大談與老公張晉相處之道，例如她會細心聆聽對方想法，反而亦然；另外設定情緒「紅綠燈」，好讓雙方能在最適合的時候理性討論，解決問題。「撒嬌妻」Ada乘機投訴老公是不懂表達愛的「直男」，老公曾不解溫柔的說了「老夫老妻」4個字，致關係鬧僵，她瞪眼表示︰「嗰晚我同朱茵佢哋講番以前拍拖幾開心，跟住返到房叫老公錫一啖，佢就話『都老夫老妻啦』！我就靜咗，一路落妝一路喊。咁佢知我唔開心就問咩事，嗰一刻我就話我好傷心，我哋只係得嗰4、5年，如果已經係老夫老妻，咁我哋以後係乜嘢？我話接受唔到，跟住佢就攬住我講sorry。第二朝佢無啦啦又拖我隻手、又錫我，我忍唔住問老公『點解我咁快樂嘅』？佢鬆毛鬆翼啦，話『老婆我都覺得好快樂呀』！」 

{{hket:inline-image name="28.jpg"}}{{/hket:inline-image}}

蔡少芬憶述張晉憑《一代宗師》榮獲《香港電影金像獎》「最佳男配角」獎項一刻，她在台下遭張家輝取笑「嘩乜你喊成咁」。入場前既驚且喜的Ada與張晉在紅地毯上有甜蜜小插曲：「我同老公講『我哋要好好享受，唔知有幾多次可以咁做』，所以我哋行（紅地毯）嗰時係跳住行㗎！」

{{hket:inline-image name="4.jpg"}}{{/hket:inline-image}}

自言與老公「硬碰硬」的Ada，坦承拍拖時思想較負面，每次吵架都會講分手，直到張晉有次出「殺手鐧」治好Ada的「分手病」，「嗰陣張晉話，我夠膽講多一次（分手），就送我走！隔咗幾日我哋又嗌交啦，我又話要走，佢就幫我執行李！我心諗，噚日仲係拖住手，今日佢企喺我前面拖住個喼……我啲眼淚就一路流，張晉呢個時候就擰過嚟問我『以後仲敢唔敢』，好man㗎佢！我就喊晒口話『我唔敢喇』！」

節目尾聲有溫馨級別的「閨密任務」，祖藍與Ada分別以文字、語音方式找上張晉，看他先回哪一個。結果張晉秒回祖藍，才與太太視像對話，慘敗的Ada只能「扮嬲」猛問老公「點解」。為了挽回面子，Ada要求張晉在祖藍、觀眾面前講「你話你愛我啦」，「直男」張晉好掙扎……最後靦腆道出：「我愛你呀！我唔愛你唔會同你一齊啦！」

Ada身為兩女一子之母，節目加長版中，還暢談怎樣教育僅兩歲多的兒子。她又會一人分飾「囡囡」與「媽咪」，模仿囡囡們「扮大人」，管教媽媽的場面，「呢啲係我哋嘅日常生活，有次阿女對我訓話啦，張晉好無情咁踩多腳！」內容相當爆笑。

Ada十分欣賞丈夫的「精明」一面，有一次，他們去到婚姻輔導所，輔導員笑指男方不像女方般寡言，反而像「開籠雀」說足1小時。Ada事後笑言：「老公話畀咗錢吖嘛，梗係要喪講嘢！」

{{hket:inline-image name="001ol3LLly1gqo3heopmcj61c31zunpd02_600.jpeg"}}{{/hket:inline-image}}

圖片來源：大會提供、微博

撰文︰林惠珊

三孩之母｜蔡少芬為照顧子女犧牲睡眠時間 大讚上海生活：好得沒得再好【下一頁】