一起走過｜張雷做武師親身上陣冒險飛車 迎娶拍拖40年女友：好過平安紙

現年67歲的張雷早年憑警匪片《C.I.D.》為人所認識，後來在劉德華、陳玉蓮版本《神鵰俠侶》內飾演金輪法王，將其演藝事業推上高峰。其實張雷不單止是演員，更是一位特技人，曾聯同十多位武師組成「神風特技隊」，為多齣電影設計武打場面及親身上陣飛車追逐。張雷這次接受港台《一起走過》主持人楊紹鴻、文頌嫻的訪問，分享入行多年來的工作點滴，剖白為何2017年才跟拍拖40年的女友鄭淑儀結婚。

{{hket:inline-image name="08012003.jpg"}}{{/hket:inline-image}}

{{hket:inline-image name="08012002.jpg"}}{{/hket:inline-image}}

同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

提到1983年播出的《神鵰俠侶》，張雷並不覺得角色金輪法王是壞人，他說：「絕對係誤解咗，佢都唔係壞得晒，金輪法王係忠於自己國家，忠於自己武功，係個堂堂正正好人，佢鑽研武功去中原搵楊過、小龍女同郭靖切磋……只係其他人企喺對家嗰邊。（造型好有特色）我係黐頭套演出，之前剃過一次頭，監製蕭笙叔可能嫌我頭型太細，話下次搵個頭套畀我用。當年戴頭套都幾辛苦，收工除頭套入面都係水，咁熱點算呢？後期我喺中間楔咗嘢嘢頂住變咗尖頭，入面就冇咁熱，有得唞氣，周伯通秦煌就叫我尖頭和尚。」

一起走過｜歐錦棠當年離開TVB收4封律師信 貴人助解約：冇人試過唔還騷【下一頁】

張雷透露入行前讀過武打演員訓練班，未滿師已經拍戲做替身，開始踏入龍虎武師行列，曾跟大導演張徹拍戲，後來加入電視台，同任達華拍劇集《C.I.D.》（1976年播出），「嗰時幾多人鍾意呢齣戲，搵過我去新加坡、泰國登台。（同時幫麗的做飛車特技？）我諗住做幕後冇事，去做《大丈夫》飛車特技，又冇人同我講明唔得……不知者不罪，合約有講明唔可以做第二個電視台？諗住一個幕前一個幕後，冇抵觸嘛，都係去做替身飛車，嗰時字幕邊會出龍虎武師個名？」

一起走過｜謝君豪曾做豐胸膏推銷員搵唔到食 首次考演藝被鍾景輝「叮走」【下一頁】

張雷後來同十多位個武師成立「神風特技隊」，在行內頗有地位，他表示：「因為我哋識飛車，又做龍虎武師、武術指導。睇過幾套戲嘅飛車場面好勁，我都好入迷，當時旁邊觀眾反而話『香港拍呢啲飛車唔得』……我條氣有啲唔順，好似我哋都得喎，觀眾唔知頭唔知路喺度亂講，咁我就決定搞一隊特技隊，某齣戲需要飛車，我哋就畀啲提議，佢哋肯畀錢又買車畀我哋，何樂而不為？當然唔係個個係飛車手啦，十幾個有幾個係幫手做其他嘢，針對性埋位做嘢。」他指後期「神風特技隊」賣盤，並改名為「香港特技」。在元朗拍《星際鈍胎》（1983年播出）一場飛車特技時，他親身上陣駕駛「鬼馬神仙車」飛200英呎，落地時險些撞到圍觀市民，幸好識得執生以滑行方式減速才冇事。

（↓點擊放大睇圖片↓）

至於家庭生活方面，張雷於2017年才迎娶拍拖多年的女友鄭淑儀，他說：「算係新婚，我哋住埋一齊都40幾年，而家結婚都有個好處。（對方想要名份？）唔係，又冇人要求，又冇人想。有個好處係當邊一個『瓜柴』，當你死咗要處理啲嘢時候就可以名正言順，仲好過平安紙。長命歸長命。差唔多望到嗰頭近……將一條木枝分開兩頭，一邊係0，另一邊係100或200，而家你超過50（歲）就嗰頭近啦！我哋就覺得係咁！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】