蔡瀾為倪匡臨終前搜羅全港肥叉燒 承諾過不帶淚送別先走一方

蔡瀾、倪匡、黃霑及金庸被封「香港四大才子」，自今個月倪匡離世後，才子獨剩下蔡瀾一人，有點兒冷清的感覺。蔡瀾這日應邀出席書展活動，首度開口講起相識60載的故友倪匡，在對方人生的最後時刻，蔡瀾笑言買來全港的肥叉燒給倪匡享用，因對方認為這是天下間的美食。

{{hket:inline-image name="07252001.jpg"}}{{/hket:inline-image}}

{{hket:inline-image name="1024_8997f8d59cc42b4c966e3e718533fb18.jpg"}}{{/hket:inline-image}}

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

著名作家倪匡今個月3日離世，享年87歲。蔡瀾一直未有露面及回應好友離世消息，這日（23日）應邀出席書展活動，自不然被追問相關問題。對於倪匡離世的感受，蔡瀾說：「我同倪匡先生互相應承過，一句話，就係『任何人先走都唔流淚』，我哋兩個都係帶歡樂畀大家嘅人，絕對唔會喊，到而家又冇咩值得喊。（有冇好掛住對方？）掛住梗係有，咁多年嘅朋友，講起嚟大家都識咗60年。」

蔡瀾79歲不言休攻網做YouTuber 帶網友四圍搵美食小店勁吸Like【下一頁】

提到「香港四大才子」的稱號，蔡瀾謙虛表示：「一開始已經反對『四大才子』呢句話，金庸先生係一個大師，唔應該同我哋三個擺埋一齊，我哋三個同金庸先生係比較唔到，所以唔可以『四大才子』咁樣擺埋一齊，我係唔鍾意呢個名。另外，做才子係好難，翻查以前關於做才子嘅條件，要有40種條件先可以做到才子，我哋根本10條都做唔到，吃喝嫖賭，仲有一個係『吹』，即係吸鴉片，我哋都冇得吸鴉片。」

（↓點擊放大睇圖片↓）

講到早前寫過「膽固醇萬歲」的書法作品，蔡瀾不自覺扯到倪匡身上，「都係開玩笑，好多好食嘅嘢都有膽固醇，倪匡先生有次去街市買20元豬肝，即係20元膽固醇，攞去食啦，哈哈……倪匡先生特別鍾意食肥叉燒，佢最後時間我冇法子成日去睇佢，我叫同事買叉燒送過去……佢第一次嚟香港睇到盒飯有啲肥叉燒、滷汁，覺得係天下美味。我問佢想食乜跠，咩都唔講……但我哋知佢最鍾意食叉燒飯，買咗幾間畀佢食都搖頭搖頭，直至有一間嘅肥叉燒，佢先滿意話『呢間好！』香港嘅肥叉燒都畀我買晒。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】