冤屈事件︳江嘉敏被撞花車尾遭車場粗暴對待 肇事車主：報警囉 驚你啊

現年27歲無綫小花江嘉敏，日前傳出同電競公司高層Anthony分手，結束3年情，有報道指男方疑似「偷食」貪新忘舊；至於江嘉敏對Anthony仍未忘情，回覆傳媒時未有否認分手。

昨日（15日）江嘉敏在IG未有講及感情事，反而申訴自己遇上冤屈事件，聲稱座駕給人撞尾刮花，不單未能聯絡肇事車主商討賠償，同時竟遭停車場管理職員惡言相向又郁手郁脚，並向她轉達肇事車主的說話︰「報警囉！驚你啊！」令不少網民替她擔心。

同場加映︰《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

{{hket:inline-image name="kaman_kong_274256584_935141407190104_258433278524012970_n.jpg"}}{{/hket:inline-image}}

{{hket:inline-image name="kaman_kong_275806789_698273404951504_3909951444653257973_n.jpg"}}{{/hket:inline-image}}

江嘉敏在IG上載車尾遭撞花的照片，並留言話未能聯絡肇事車主，「其實傷得唔太嚴重，但係去車房整都要三四千。一直聯絡唔到刮花我架車嘅車主，我惟有留張字條喺佢架車度，叫佢聯絡我！」輾輾轉轉，她遇上停車場管理職員，遭不禮貌對待，她表示︰「估唔到今日管理員叔叔見到我，就大大聲鬧我，仲郁手郁腳，話車主叫佢同我講『報警囉！驚你啊』！」

江嘉敏堅守原則，認為這件事不論有心或無意，對方應該給予她一個交代，「刮花咗就係刮花咗，咁樣都算係交通意外，唔應該因為為見到大廈停車場冇CCTV，見到我架車冇後Cam就心存僥倖。」

江嘉敏疑與有米男友3年情斷 最後晚餐暗示玩完：謝謝給我教訓【下一頁】

相隔數小時後江嘉敏再次出Post，指收到不少人短訊慰問，「收到好多DM問我有冇事……大家放心，人安全冇事。今次呢件事我最唔開心嘅係，我唔明點解啲人可以完全不負責，成日覺得心存僥倖，做咗錯事冇人見到、冇人影到、冇CCTV影到，就當自己冇做。」

（↓點擊圖片放大↓）

江嘉敏似乎怒火未消，同時分享個人經歷，遇到同類事件會站出來，「我曾經試過喺街度，見到有人泊車嘅時候，唔小心撞到前面架車，司機即刻落車睇，然後就上返車準備揸走。我當刻諗都唔諗，即刻企喺佢架車前面唔畀佢走！我同佢講︰你撞到人哋架車仲想走？佢話︰前面個車主都唔喺度，又唔知佢幾時返，花咗少少咋嘛由佢啦！我同佢講︰唔係花咗少少嘅問題，咁你始終都係撞到人哋架車，點可以不顧而去？今次好彩就係撞到架冇人嘅車，咁如果下次唔小心撞到隻狗撞到個人，咁啱附近冇人見到，你係咪又會就咁走咗去？就算車主唔喺度，你都可以寫張字條同人講聲對唔住，之後有啲咩事可以聯絡你，咁樣先係負責任嘅司機。」慨嘆可能有人覺得她「很多事」，憑甚為去教訓人？但她至少覺得自己做了一件正確的事情。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】