代溝關注組｜江嘉敏爆被TVB同事拖數近10萬 錄影廠內追債 對方扮埋位閃人

江嘉敏（Kaman）繼上集《代溝關注組》內，自爆兩次遭到前度出軌事件後，昨晚（23日）一集又有料爆。她聲稱多次借5千元給一位TVB同事，對方出外更奉旨不帶錢，並一定光顧米芝蓮的餐廳，而每次食甜品、油錢及停車場費用皆由江嘉敏支付，她粗略估計總數合共近10萬元。江嘉敏指有次當面討債，對方卻以要埋位拍攝為由，竟然極速走開，行為相當無賴。

{{hket:inline-image name="09241002.jpg"}}{{/hket:inline-image}}

{{hket:inline-image name="09241003.jpg"}}{{/hket:inline-image}}

同場加映：【娛樂直擊】陳家樂符碌叨光中六合彩 劉佩玥被爆手機睇鹹網

{{hket:ul-video id="4229"}}{{/hket:ul-video}}

昨晚《代溝關注組》以儲錢及借錢等作為話題，令「長輩群組」李家鼎、肥媽（Maria Cordero）及謝雪心，跟「後輩群組」徐文浩、蔡嘉欣、江嘉敏、游嘉欣及林正峰，變得相當齊心，皆因大家都無辦法令債仔還錢。當中江嘉敏透露多次借出5千元給人，她說：「我已經（與對方）無friend做，因為一路借都無還，我覺得有急事借係OK，但如果借嚟買袋買車，我絕對唔會接受。我呢個朋友其實幾聰明，每次出街食飯就唔帶任何紙幣，然後同我講電話壞咗，撳唔到，上唔到網，嘟唔到卡，所以永遠出街食飯就（唔畀錢）……我計到（條數）。我唔係記仇，雖然我係啦，哈哈……飯錢啦，仲要唔係食平嘢，一定要食米芝蓮，甜品、油錢、停車場錢，全部錢都係我畀，加加埋埋，其實我諗都應該有10萬左右。（是男是女？）係女仔！」至於對方是否搭上前度的其中一個？江嘉敏即得戚話：「唔係，佢有本事咩！」

代溝關注組│江嘉敏指前度出軌女藝人致分手 撞破男同事搭上有夫之婦行街【下一頁】

當討論向朋友追債的方法時，江嘉敏言談間揭露債仔是TVB同事，但未有表明是幕前或是幕後同事，她話：「我試過喺公司見到佢，我都厚住面皮話『喂，食飯嗰啲就請你食啦，之前借嗰啲……細佬讀書讀成點？』，佢就話『好好！』，跟住我話咁啲學費……佢跟住就『吖，埋位呀！』，我心諗你電話唔聽，whatsapp唔覆，我都真人都問到你，佢都唔回應。」主持人張秀文直斥對方勁扮傻，而鼎爺就嘲債仔不夠高招，應回答知道及不好意思，然後話自己亦籌緊下一期的借貸，他表明教不到大家追債，因為借錢出去就等如嫁出去的女兒；自爆借了70萬給人的肥媽，亦自認是失敗者，附和無得教人，反叫幕後工作人員教她追債，搞笑話追到就一人一半。

（↓點擊放大睇圖片↓）

江嘉敏昨晚在IG公開追債，可是未有公開對方名字，「希望欠我哋錢嘅朋友，睇完呢集《代溝關注組》會自動還錢比（畀）我哋啦！#我哋借出去嘅錢可以買一層樓 #朋友借錢用嚟周轉 #周轉係分為自轉同公轉 #借錢係自轉還錢係公轉 #在座咁多位竟然冇人聽過子華神嘅梗」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】