落選港姐｜梁允瑜爆參選時曾與其他佳麗不和 自認有整容：令到上鏡時靚啲

梁允瑜（Chloe）去年參選香港小姐競選，當時一段爆粗短片曝光而影響形象，20強止步，最終10強不入。落選後佢同TVB簽約，入劇組拍劇。最近梁允瑜開咗個人YouTube Channel，回應網友嘅問題，除咗分享選港姐「秘聞」外，仲自爆曾經「整容」。

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

{{hket:inline-image name="8967.jpeg"}}{{/hket:inline-image}}

問到選港姐時有冇同其他佳麗不和，梁允瑜就坦言：「你諗吓成班女仔，梗係有啲是是非非嘅嘢，咁當然上年我參選港姐嘅時候都有同佳麗有不和嘅，當然亦都唔係得我嘅，其他人我都聽到，八卦吓，知道吓咁樣啦！有時可能係睇唔過眼某人一啲行為，我自己就覺得人與人之間，啱傾就傾，唔啱傾咪有禮貌打招呼咪算囉！當然都有真友誼，港姐唔係一個爾虞我詐、你死就我活嘅比賽，唔係咁樣嘅！」佢又指自己有認識到付出真心嘅朋友，keep住聯絡到而家。

{{hket:inline-image name="71e9e2afdf4e64810c1e8badc4c05821.jpg"}}{{/hket:inline-image}}

24歲嘅梁允瑜又指TVB入面好大競爭，「次次去到化妝間，好多靚仔靚女都係素顏！我就唔會諗點樣『上位』，應該話點樣『突圍而出』。娛樂圈呢個圈子就係等待嘅時間好長，你需要等個機會，要等個機會來臨，你只可以做嘅就係好好去裝備自己，去令自己變得更好，當機會嚟到嘅時候可以好好去把握。做到啲成績出嚟，我就覺得係對自己最好嘅交代，係突圍而出嘅最好方法。」

{{hket:inline-image name="4.png"}}{{/hket:inline-image}}

有網民問梁允瑜有冇整容，佢都有大方回答，無迴避問題。「整容定義好廣泛，如果你箍牙都計嘅話，咁我係有整容嘅！因為我中學嘅時候係爆牙、哨牙，所以我中學時去咗箍牙，而家啲牙就整齊咗。」除咗箍牙之外，佢仲有打黑眼圈針、啪骨。「黑眼圈係千年黑眼圈，亦有做過小顏，即係坊間所講嘅啪骨，令到自己嘅面形上鏡時會靚啲。」同時重申只要影響唔到到人，同埋令到自己開心及安全情況下進行，佢接受到整容。

圖片來源：IG、YouTube影片截圖

落選港姐｜梁允瑜被批參選港姐貪慕虛榮 「邊個唔想有錢有權力有地位？」【下一頁】

撰文︰娛樂組