落選港姐｜梁允瑜被批參選港姐貪慕虛榮 「邊個唔想有錢有權力有地位？」

梁允瑜（Chloe）去年參選香港小姐競選，疑因曾被爆出一段爆粗短片而影響形象，最終10強不入。不過落選後佢仍獲無綫簽約，更獲安排入劇組。最近梁允瑜與網友玩「你問我答」，就被重提食住魚蛋爆粗一事。更有網友狠批她「貪慕虛榮」、「落選冇得釣金龜」，她就回應：「sorry我冇諗過釣金龜，我靠自己好足夠，唔鍾意靠男人！」

同場加映：張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

{{hket:inline-image name="288539697_3179806968934807_2536345282271538574_n.jpg"}}{{/hket:inline-image}}

去年梁允瑜在參選時被流出爆粗片段，片中她拿住一串魚蛋狂講粗口，數落前度。有網友問佢有冇後悔當日拍爆粗的影片，佢就坦言：「香港地邊個唔講粗口，我唔覺得有咩問題，嗰陣嘅我係咁就係咁，即使係而家嘅我都唔會話完全唔講粗口，都係嗰句啦，成年人識得適當時候講適當嘅嘢。」又有人問佢︰「幾時開返間梁允魚蛋？」佢就笑言：「有冇人打本畀我呀？」

{{hket:inline-image name="chloe3_600.png"}}{{/hket:inline-image}}

之後有不少網民問到梁允瑜係咪畀人包養，佢就坦言：「我都想，畀人包仲使咁忙返工。Sorry我鍾意自食其力。」更有人狠批佢貪慕虛榮：「貪慕虛榮，入大台，選港姐，最後落選，冇得釣金龜，睇到都心涼。」梁允瑜亦沒有迴避問題，大方回應：「睇你點定義貪慕虛榮，邊個唔想有錢有權力有地位，同埋sorry我冇諗過釣金龜，我靠自己好足夠，唔鍾意靠男人。」亦有人寸佢對答膚淺，梁允瑜就反問：「咁你仲睇嘅dear？」

圖片來源：梁允瑜IG

落選港姐玩你問我答｜梁允瑜撐廣東話文化堅持講粗口 爆佳麗搞小圈子搵藉口企中間位【下一頁】

娛樂組