港姐變髮萬眾期待拉直女版曾比特 爆炸頭Astrid被指似苟芸慧

《2022香港小姐競選》經過3輪面試，入圍佳麗總共20名，今日（28日）兵分兩路到銅鑼灣及又一城的髮型屋接受髮型師「變髮」，準備在下星期舉行的港姐記招首度正式曝光。

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

林俊賢女兒林卓錡手持大名牌袋配短裙最早現身髮型屋，佢透露希望修剪開叉頭髮，不介意剪短或電鬈，對新髮型表示期待，提到成功入圍佢表示已經開始緊張，更積極Keep Fit備戰：「要做好多運動，食清淡啲，健康啲，因上鏡肥。」佢透露呢排戒食味精同做運動成功瘦咗4KG。

{{hket:inline-image name="10.jpeg"}}{{/hket:inline-image}}

同為大熱的「連詩雅師妹」邢慧敏則素顏示人，並着上Tube dress晒腰兼露膊，相當養眼。至於英國回港參選的何詩琪（Maggie）長髮及腰，佢表示會聽從造型師意見，讀大學時都試過剪到及肩長度，又指會增肌和做Gym備戰。成功入圍嘅仲有女版曾比特Astrid、來自加州嘅楊溢（Stacia）及來自紐約嘅許子萱（Cecca）。

來自安徽嘅爆炸頭Astrid今年25歲，非常神秘，透過佢嘅社交平台見到佢曾擔任模特兒。其大一張舊照佢曾經束起頭髮着晚裝行catwalk，被大讚撞樣苟芸慧，令唔少人更加期待Astrid變髮。

不過Astrid出嚟可以話係令大家非常失望，佢受訪時表示同髮型師有共識保留呢個髮型：「呢個髮型第一次整，留咗兩、三個月，自己鍾意嘗試，呢個髮型帶來好運。」雖然髮型令佢討論度大增，但佢就表示希望大家除咗關注佢嘅頭髮，亦都可以關注佢其他嘢。提到有指佢似苟芸慧，佢就指開心表示：「都幾好呀。」

圖片來源：東星娛樂