Coffee曬腰瘦到起角被誤會P圖 拍片澄清網民反指「過於執著」

Coffee林芊妤多年前轉型成為瑜伽導師，亦經常拍片教大家做運動，加上佢態度正面，唔少女士都當佢係「人生教練」，係少有曬性感得嚟有咁多女fans嘅公眾人物。近日佢同囝囝彥彥一齊去酒店Staycation，於Instagram大曬泳裝照，唔少人都話好羨慕佢嘅完美身形，不過就有一位網民質疑佢P圖，令Coffee要拍片解釋。

同場加映： I SWIM丨魏浚笙係星爺迷參考其電影演戲 袁澧林唔想另一半太靚仔冇安全感 

{{hket:ul-video id="6171"}}{{/hket:ul-video}}

Coffee老公唔喺香港，只好一個人帶彥彥去酒店Staycation。佢喺Instagram大曬多張兒子親自操刀拍攝的佳作，換上三點式泳衣的Coffee擺出多個寫真照般的甫士，狂曬完美倒三角形的身形，強勁腹肌更若隱若現，獲網民留言激讚好睇過風景。

{{hket:inline-image name="274518631_1136803223801183_6906325347588240317_n.jpg"}}{{/hket:inline-image}}

不過就有一位網民冷冷拋下一句：「圖5 P得你的左腰扭曲了。」Coffee亦解釋：「我沒有P我的腰喔！只是擺比較S型的姿勢！剛剛在story拍了一個示範短片給你看，去看看吧！我想應該是天天著腰封加運動的成效吧。」不過竟然反而畀呢位網民話佢將人哋嘅說話睇得太重，Coffee都非常無奈：「公眾人物不代表要接受所有不實的指控，我也是有權利為自己澄清的。如果是我的行為令到大家有負面的評論，我絕對會接受並解釋。但如果是不實的事實和指控，我一定會為自己澄清。要不然只會讓更多人誤會自己吧？這是我在娛樂圈學會的事情，然後最重要的是自己澄清後心情也好多了。不是自己心情愉快才是最重要的嗎？最令我感到不公平是將我一直付出汗水努力運動的結果說成了P圖，相信誰也會跟我一樣爭取公道吧？」

不過都有好多人撐Coffee，鬧爆呢個網民一嚟就屈人P圖，當人哋解釋嘅時候仲要講到人玻璃心咁，真係公就你贏，字就我輸，立於不敗之地。

圖片來源：Instagram