阮小儀和陳健安主持的節目《21克公寓》最後一集邀請陳敏兒擔任嘉賓，敏兒先後面對兩次至親的離世，分別是兒子文諾和丈夫廖啟智，心理上有著不同的變化，提到細仔文諾5歲多時因血癌離世，敏兒說：「2003年沙士對我嚟講，一生難忘，6至7月見到佢身體出紅色粒粒同發燒，驗出佢有血癌，對我嚟講係冇辦法接受嘅衝擊，當日即刻入醫院，我哋關喺醫院入面。當日……人生就好似天翻地覆咁，隔離病房房門一關上，我同佢就喺入面，返唔到屋企。」坦言望住萬家燈火，惟她跟兒子冷清清的留在醫院病房，不禁感覺淒涼，形容自己陷入人生谷底。
同場加映：同場加映：吳君如Edan挑戰破億票房 ERROR燈牌越來越大：做壞規矩
21克公寓丨廖啟智突被告知只剩1個月命 陳敏兒讚積極抗癌：佢想睇個仔婚禮【下一頁】
敏兒表示當時跟智叔分工，智叔負責照顧大仔同二仔，敏兒留院全力陪伴細仔。坦言旁人看她很堅強，她是要立即打仗，淚都來不及流，情緒沒法梳理。當囝囝換骨髓時，敏兒已經陷入抑鬱狀態，每天都跟自己講「我好想死」，幸好醫生的維他命B雜令她減壓。她說：「阿仔呢件事……令我感覺自己真係好堅強，以前覺得所有事都係掌握之中，越係掌握之中，其實越冇安全感！阿仔呢個病畀我學到，生命係唔到你控制，我開始睇嘢闊啲！醫生盡咗力，阿仔同我哋都盡咗力，都係醫唔到個病，我哋選擇去接受，同埋去諗點樣同佢行埋最後呢段日子。」
敏兒憶起文諾離開當日是4月4日晚，她跟智叔分別捉住兒子一邊手，唱歌和講故事，「佢合埋眼、手鬆開，我就知道佢離開咗我哋，令我安慰嘅係佢好安詳，嘴角笑瞇瞇向上揚。對我哋嚟講孩子離開咗，佢走得安詳、平安，知道自己去邊，對我哋嚟講已經好安慰。人生好奇妙，原來人生要求好低，死得安詳……已經將我難過感減去好多。」
廖啟智兒子｜廖文哲認星二代身分曾帶來困擾 廖文信憶一句童言令父親破涕為笑【下一頁】
敏兒說：「小朋友如果有病，作為父母一定諗好多，係咪我做錯啲咩？餵錯佢食咩？係咪照顧得佢唔夠好？一定會咁諗，經歷呢件事之後，學識去接納，生命好多嘢唔到我哋去解釋，放過自己！」
而智叔的離開，由起初的不能接受，到最後時日，一家人陪伴智叔，對他作出人生的肯定；老友亦拍片說出對智叔的感受，讓他離開無憾，「我覺得每個人喺世上都有目的，有佢功課要做，智叔已經做好佢嘅功課，功德圓滿，可以休息喇！」
囝囝文信因爸爸離開，連少爺脾氣都戒掉，他向敏兒送上火漆印章，一個敏兒一直希望擁有的東西，他寄語說：「知道你仲有好多嘢想做、想要，但好多遲疑，希望你勇敢去做，我同哥哥會全力去支持你。」文信非常生性，現時是著名YouTube Channel小薯茄的一份子，不時會在搞笑影片出現。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉