香港25個第一丨洪永城學修哥「戒色」長壽秘訣 北漂與餅印囡囡分開 最怕被縱壞

洪永城（Tony）主持的回歸系列節目《香港25個第一》，逢星期四、五播出，見證香港所締造的多個「第一 」，Tony不諱言拍攝過程難忘，當中向90歲的胡楓（修哥）討教長壽秘訣，並且乘機追問修哥年輕時的戀愛史，才知悉長壽原因竟然「戒色」？

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

人夫放假約出去滾丨洪永城自爆前女友因黃翠如呷醋 望住個女笑決心要成熟擔起頭家【下一頁】

{{hket:inline-image name="L.jpg"}}{{/hket:inline-image}}

{{hket:inline-image name="J.jpg"}}{{/hket:inline-image}}

Tony透露節目中的多個「香港第一」主題，相信能令觀眾喜出望外，「好似IQ最高、最長壽咁，連燒味都係世界第一！相信我哋食叉燒既比例應該係全球第一！自己都學咗好多嘢，好似訪問咗修哥，佢講最長壽，佢今年90歲，嚟緊又開演唱會，佢畀咗好多寶貴意見，例如行路、飲湯水同做人要夠活躍，keep住約朋友食飯，咁先可以保持年輕；佢話呢兩年疫情，好辛苦、好悶，冇得出街，所以先諗住搞演唱會。（修哥係你參考對象？）想似修哥咁長命！又多朋友又多契仔契女，我問佢後生時係咪好多女朋友？佢話冇。（即係要戒色？）我又冇問佢係咪要戒色……但相信係長壽原因之一，哈哈！」

在眾多第一中，也包括了不少揚威海外的獨有技術，好像搭棚、龍虎武師等，「有個環節，要我做1日搭棚師傅，搭咗個細細嘅棚，搭棚好多學問；我亦有跟隨武術指導林迪安，學做替身，做咗1日龍虎武師，佢話『你做慣主角，有冇諗過做替身比人打』？仲有拉威也嘅知識，我當然做到一仆一碌！我哋亦有登上港珠澳大橋嘅路面，了解基建造工，見識一下。」

另外，璀璨奪目的霓虹燈招牌，也是其中一項第一，Tony把握機會向師傅學習製作招牌，他說：「上咗一堂屈光管，淨係個『一』字都屈咗一日，希望將來有機會再上堂，整塊『老婆我愛你』放喺屋企。」

洪永城B女出世似爸爸唔開心 梁諾妍痛半日宮頸未開「食全餐」 【下一頁】

{{hket:inline-image name="G.jpg"}}{{/hket:inline-image}}

Tony身為旅遊達人，疫情影響令他脫了節，同時指出香港的行山徑也是另一個第一，「喺咁嘅細城市入面，我哋有咁多行山徑，世界各地嘅人都嚟香港行山！」節目播出之時，他已飛到內地準備開拍新劇《香港人在北京》，預計逗留3個月，為了應付21日隔離，他準備大量最愛的電影、書籍及健身器材，希望隔離完後變fit。是否擔心離港太久女兒不認得他？「惟有視像同佢傾偈囉，最驚反而係我媽咪、外母會蹤壞我個女。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文︰倪小珊
攝影︰Alma