洪永城邀請黃翠如做仔女契媽 未答實大笨洪：話唔定佢問好多人

黃翠如、高海寧、鄺潔楹同林夏薇等人日前出席新劇《七公主》宣傳活動，黃翠如爆佢戲中會同高Ling狗咬狗骨：「高Ling係我大妹，戲中我細個做咗啲對佢好大傷害嘅事，所以佢討厭咗我好多年，喺裏面逢親我同高Ling嘅場口，都係同佢嗌緊交，仲要係啲好狠毒嘅嗌交。」

{{hket:inline-image name="adba87f797ccb9409ba6cf89e9d972e4.jpg"}}{{/hket:inline-image}}

林夏薇表示劇中七公主恩怨交纏，佢會向黃翠如潑「屎」報仇。佢指做攻擊手都有難度，要考急才：「劇組以香蕉混入朱古力製成『道具屎』，幾可亂真；事前我做好綵排，準備一鏡落完成動作，但監製突然叫停，我收手不及，潑喺翠如衫上，到第二次再拍先潑到佢面同頭」。黃翠如表示拍攝前心情緊張，加上製成品幾可亂真，而且仲入埋眼，令佢感覺難受：「工作人員幫我冲水都搞唔掂，於是用幾條大毛巾包住自己，揸車返屋企冲涼，真係怕人見到會誤會」。

戲中角色樹敵甚多，但戲外就有知心友洪永城。洪永城早前小登科兼宣布有喜，反而翠如同老公就一直未有聲氣，當時翠如接受訪問：「我哋冇乜所謂（指自己生B），有BB一定開心，但生B責任又好大。總之我哋一知道Tony同Inez有BB時，已講明要做契爺契媽，好期待見到BB呀！」

不過呢日問到翠如，佢就改口，佢同Tony原來未傾掂數：「佢有同過我講嘅（做BB契媽），照計都係㗎啦！但我知可能好多人爭，等啲人爭完先。話唔定佢開口問好多人呢！」佢又透露Inez狀態非常好：「上星期我同Tony同佢屋企人食飯。Inez狀態好好，佢本身運動員、教練嚟，狀態一定好過Tony。其實你唔係好覺佢個肚，因為佢有足夠工作、仲有運動，佢係個好靚嘅準媽媽。」

同場加映： AK@MIRROR與麻利緋聞當笑料 踢爆Frankie被誤「友人」感不悅

{{hket:ul-video id="3826"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】