洪永城湊孖仔預習做人父面都青 梁諾妍母愛滿溢抱B畀網民叫停？

洪永城（Tony）與梁諾妍（Inez）上月11日舉行婚禮，並即場宣布雙喜臨門。一向有跑步習慣嘅Inez大住肚仍然堅持跑步，被網民勸佢懷孕期間要忍忍，提醒佢第一胎要小心啲，不過Inez當時回覆已諮詢過醫生意見，指醫生都好建議做開運動嘅女士，懷孕後應該繼續做適量運動；又指備孕嘅朋友仔，更加要有做運動嘅習慣，因為有健康嘅體魄會容易成功受孕，陀B都冇咁辛苦咁話。而噚日Tony post出佢同老婆預習湊B嘅相，Inez又再次被網民叫「停」，到底佢做咗啲咩呢？

{{hket:inline-image name="220485149_2963267730553513_9223061144630436065_n.jpg"}}{{/hket:inline-image}}

Tony post出佢自己嘅抱b相，相中b仔擘大口，唔知係咪喊緊，而Tony就眉頭緊皺，似乎搞佢唔掂咁。Tony留言：「明白嘅，都要實習吓，不過一嚟就打孖上，未免太難啩。三米跳板都未識，一嚟就十米高台。#生孖唔係double係triple嘅工作#契仔冇辦法#但係邊個先係」另一張相中，Inez好開心咁抱住個b，母愛滿溢，Tony就抱住bb發呆，若有所思咁，場面搞笑。有粉絲留言：「你老婆表情就好期待做媽咪，洪生個表情好似好複雜。」又有人睇穿Tony諗咩：「你個樣好淆吓喎。」Tony回應：「我個心一樣好淆。」相信就快做新手爸爸嘅佢興奮之餘都好緊張呀！

不過就有網民擔心Inez抱bb會觸犯傳統禁忌，留言：「溫馨提示是，聽講孕婦不能抱其他bb喔，會小器。」Tony就以驚訝emoji回應，唔知係百無禁忌定係唔知禁忌呢！不過呢啲就真係信不信由你！

另一面，Inez就襯住二人結婚滿一個月，分享佢哋嘅結婚靚相：「話咁快就同呢位呀生結咗婚一個月！影結婚相嘅時候玩咗一輯旅行沙龍止吓渴去咗好多世界各地嘅景點，好開心呀！去咗太多地方啦都唔知check in邊度先好。呢輯都係我好鍾意嘅相集之一！」由於疫情關係，其實二人都係喺香港影婚紗相，不過就用電腦key佢哋去世界各地嘅名勝。兩個睇落去都好開心同咁古靈精怪，好夾好可愛呀！

圖片來源:Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】