昔日亞視的重頭製作劇集《國際刑警1997》，網羅一眾影視藝人參與，包括劉松仁、方中信、關禮傑、鄧萃雯、林韋辰、林祖輝、陳惠敏、盧惠光及孟海等，在台灣拍攝時還邀得「包大人」金超群及「公孫先生」范鴻軒客串，而電視主題曲《勇闖前方》破天荒找來成龍獻唱，難怪當年製作費打破亞視的最高紀錄。
同場加映：王子邱勝翊期待棒棒堂合體紅館再聚 回復單身暫未敢嘗試網上情緣
{{hket:ul-video id="5942"}}{{/hket:ul-video}}
今年是《國際刑警1997》播映25周年紀念，一眾台前幕後昨晚（15日）在酒樓舉行晚宴，驟眼以為是「A記同學會」聚會，當中見到資深製作人楊紹鴻、陳惠敏、關禮傑、甄志強、盧惠光、孟海、段偉倫、黎淑賢、吳浣儀、黃文慧及陳綺明等，令人憶起亞視最鼎盛的時代，久不久製作出高收視劇集，搞到無綫要變陣應付。此劇位位演員獨當一面，仲有唔少綠葉王，若然開拍續集，noise都贏晒啦！
一起走過︳甄志強憶撞斷骨失《艷陽天》角色 簽TVB一年3幾萬唔夠生活侷住轉行【下一頁】
楊紹鴻今日（16日）接受《晴報》訪問，透露陳惠敏有意開拍《國際刑警2023》，他說：「惠敏哥都有講，佢希望再拍一齣代表作，希望明年可以拍攝《國際刑警2023》，係電視劇嚟。其實我之前都度咗故事大綱，叫做《國際刑警之紅色通緝令》，希望真係有咁嘅機會開拍啦！（當年拍攝有甚麼難忘事？）因為拍完《再見艷陽天》大受歡迎，於是向公司提議開拍呢套劇，全公司反對！成本太大嘞，破咗亞視最高電視劇製作費嘅紀錄，當時只有一個人同意，就係『老總』李雪廬，佢拍板話拍，全部高層都反對，話太嘥錢。最後好可惜……套劇慘遭滑鐵盧，衰咗！之後我（時任監製）就畀公司『雪藏』。（慘敗原因？）可能係我要兼顧行政等工作，分身不暇，拍攝部分就交咗畀執行監製負責，而頭五集嘅導演用《紐約重案組》（NYPD BLUE）手法去拍，鏡頭搖得勁過頭，點救都救唔到，觀眾接受唔到呢類畫面。不過海外反應好好，賣到埠又有口碑。」
（↓點擊放大睇圖片↓）
- {{hket:inline-image name="Image08.jpeg"}}{{/hket:inline-image}}
《國際刑警1997》真的誠意十足，外景拍攝就去了北京、東京、泰國及台灣，東京有幫派成員充當臨時演員，在北京就有公安協助拍攝，最誇張是獲得泰國軍方借出坦克車，楊紹鴻話：「北京有啲驚險，有場爆炸戲令武師受傷，多得現場公安協助，好快送咗去醫院。而東京就多得惠敏哥，佢搵山口組成員做臨時演員，仲喺新宿歌舞伎町最繁盛嘅街道截車拍攝。去泰國嗰陣，盧惠光幫手搵軍方協助，有史以來電視劇玩坦克車開炮！」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】