呂頌賢昨日在尖沙咀出席「九龍塘扶輪社新一屆社長就職禮」活動,現年56歲的他,樣子、身形都Keep得好好,故被封為「凍齡男神」,或者跟他茹素20多年、經常做運動有關,他風趣地笑說:「多謝大家畀面,我啲前輩同同輩都保養得好好,我唔係特別好嗰個,可能我少喺香港啦,所以啲人咁耐冇見我,不特止未死,仲Keep得幾好。」
同場加映:王子邱勝翊期待棒棒堂合體紅館再聚 回復單身暫未敢嘗試網上情緣
對於有網民曾在討論區出Post,指呂頌賢和MIRROR成員呂爵安(Edan)撞樣,的確,留言指:「咁似樣,咁啱又係姓呂。」懷疑他們有親戚關係。其實驟眼看,兩人都是眉濃、眼大、鼻高,呂頌賢表示都有留意這段報道,還笑道:「我老婆(麥景婷)都話真係幾似樣,不過我未見過佢真人,所以評價唔到,你哋(傳媒)覺得我哋有幾似吖?」提到有網民提議他們合演兩父子,呂頌賢說:「呢個提議幾好,睇吓ViuTV有冇興趣搵我合作,我都想拍劇,因為我都好耐冇拍,早兩年客串過電影嘅,如果香港有工作當然唔想走,好耐冇同香港朋友一齊開工。可以搵埋呂良偉一齊,佢(呂良偉)做我大佬,我就做Edan阿爸。」
相愛27載|呂頌賢曬婚照慶祝結婚15周年 麥景婷:「繼續攜手互相扶持」【下一頁】
至於談及Edan早前的ViuTV劇集《大叔的愛》,與Anson Lo(盧瀚霆)和黃德斌大玩HeHe劇情,呂頌賢表示不再拍這類型,「我好多年前已經試過,證明咗自己係得啦嘅就算喇!」原來在2015年,呂頌賢曾與內地演員鄧超合作一部電影《烈日灼心》,兩人在戲中上演激吻戲。
呂頌賢攬實車禍後愛妻遊世界 甘苦與共25年靠食素回復健康【下一頁】
1989年畢業於演藝學院的呂頌賢,當時與莫家堯齊齊簽約金牌經理人陳自強為旗下藝人,及後獲陳自強推薦加盟亞視,未幾已躍升為當家一線小生之列,作品包括《中環英雄》、《大提琴與點三八》、《勝為者王》、《槍神》等等;後來過檔無綫,繼續站穩男主角位置,曾參與劇集有《忘情闊少爺》、《笑傲江湖》、《離島特警》、《大囍之家》等等。淡出電視圈後,他將工作轉移到內地,除了拍戲外,還有開餐廳推廣素食文化,呂頌賢說:「疫情前,我都係內地、香港兩邊走,但因為疫情,多咗留喺內地,一年先返香港一次,今次我由上年聖誕留到而家,原本3月要走,但當時香港疫情嚴重,抽唔到籌返內地,不過焉知非福,冇耐就通知我喺上海間餐廳同公司都封咗,後來全個上海封咗,而家就留喺香港,6月底就返內地拍一套網大。」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】