【笑傲江湖】呂頌賢指太太麥景婷車禍留陰影 相愛26年唔敢載對方兜風有苦衷

近年一直在內地發展的呂頌賢日前出席香港的公開活動，原來香港開電視正籌備一個關於電單車旅遊文化的節目，邀請到他出席撐場，見他架上特別款式的眼鏡，仍然不減當年《笑傲江湖》「令狐沖」的英氣。談到電單車，呂頌賢絕對是發燒友，他接受香港開電視訪問時表示不會載太太兜風遊車河，他說：「唔會載太太喇，一來年紀大，二來我第五節腰椎甩過骹，自己都冇乜信心去載人，第三是因為現時的電單車流行款式，大部分都係單人座位。我老婆雖然唔介意，因為其他人可能驚危險，但佢冇，佢自己都有電單車牌，不過之前試過跌親，佢就有陰影唔再揸。其實佢一直都渴望坐我電單車尾，今次我買車時，佢好開心問我幾時遊車河，見到架車就問：『咦？我坐邊？後座冇腳踏嘅？』幾乎反面！」

相關新聞：麥景婷現車禍後遺症 呂頌賢不離不棄相守1／4世紀

{{hket:inline-image name="cable2.jpg"}}{{/hket:inline-image}}

(圖片：香港開電視FB影片截圖)

{{hket:inline-image name="cable3.jpg"}}{{/hket:inline-image}}

(圖片：香港開電視FB影片截圖)

{{hket:inline-image name="cable1.jpg"}}{{/hket:inline-image}}

(圖片：香港開電視FB影片截圖)

{{hket:inline-image name="4ff97432gy1gee4xa72kuj20u00mi0wt.jpg"}}{{/hket:inline-image}}

(圖片：呂頌賢微博)

{{hket:inline-image name="4ff97432gy1gee50cjohdj20u00mi42g.jpg"}}{{/hket:inline-image}}

(圖片：呂頌賢微博)

呂頌賢除了在內地幕前演出外，由於自己茹素多年，他亦跟不同品牌合作，開設七間素食店，分布在內地蘇杭多個城市，暫時未打算返港開分店。他說：「疫情關係所有工作停頓晒，好彩仲有餐廳，損失當然好慘重，不過唔係我個人事，大把人慘過我，盡量唔好怨天怨地，用正能量諗吓之後可以做乜，靠我哋嘅力量唔難嘅！」他直言部分內地餐廳的位置是公家，所以好主動減租，共渡時艱。

相關新聞：呂頌賢攬實車禍後愛妻遊世界 甘苦與共25年靠食素回復健康

{{hket:inline-image name="4ff97432gy1gem5ocj4jyj20k00g1jt5.jpg"}}{{/hket:inline-image}}

呂頌賢身體力行為自己的素食店做生招牌。(圖片：呂頌賢微博)

{{hket:inline-image name="6dff833cgy1g6y9pqe86pj22bg1l3b29.jpg"}}{{/hket:inline-image}}

呂頌賢與太太麥景婷相愛26年。(圖片：麥景婷微博)

{{hket:inline-image name="6dff833cgy1gbm3f4wulkj21gw187npf.jpg"}}{{/hket:inline-image}}

(圖片：麥景婷微博)

{{hket:inline-image name="4ff97432gy1gdpwusqk08j22c03404qp.jpg"}}{{/hket:inline-image}}

(圖片：呂頌賢微博)

呂頌賢1994年拍《碧血青天珍珠旗》時開始跟麥景婷拍拖，拍拖14年後在關島水晶教堂低調舉行婚禮，兩人沒有通知家長，婚禮只有兩位好朋友見證及當證婚人。婚後他們有共識不會生育，繼續過甜蜜二人世界。

麥景婷其實不只電單車意外，1988年她在澳洲拍攝《歡樂今宵》外景途中遭遇車禍，更留有後遺症，多年來受坐骨神經痛困擾，而且血管不通有時會頭痛，又試過突然視力不清。麥景婷直言由於舊患問題，自己已經幾乎十年沒有運動，幸好老公呂頌賢捉她一齊去踩單車，呼吸一下新鮮空氣。呂頌賢與麥景婷26年來都恩愛非常，兩公婆不時會去旅行，又經常在網上放閃，有老公照顧自己，麥景婷都成為幸福的女人。

責任編輯：楊安莉