江嘉敏常被網友嘲「時裝車禍」 Do姐質問：著咗上身覺得OK？

江嘉敏早前與電競高層男友Anthony結束四年情，回復單身後重新出發，近日在IG分享性感照，穿上低胸貼身上衣、短褲騷腿，非常吸「晴」，她留言表示：「我把自己吃得這麼圓，就是為了不被別人看扁。」網民的焦點卻放在其豐滿的上圍，留言回她：「女神Kaman妳得天獨厚，身體瘦了，上圍豐滿了。」、「江姑娘，再發育喎！」

同場加映：林明禎聽日32歲生日狂收蛋糕 廣告接唔停 已計劃全家去旅行

{{hket:ul-video id="5871"}}{{/hket:ul-video}}

{{hket:inline-image name="284806036_387192600127651_1182853282438042067_n.jpg"}}{{/hket:inline-image}}

{{hket:inline-image name="50.JPG"}}{{/hket:inline-image}}

經常被指是「時裝車禍」的江嘉敏，衣著品味令人側目，就連昨日鄭裕玲（Do姐）主持商台節目《口水多過浪花》時，亦忍不住提問到她的衣著，江嘉敏解釋：「我唔識扮靚，如果唔使化妝，我就盡量唔化妝出街，因為我自己化妝都幾恐怖，點解有『時裝車禍』呢個名，可能件衫本身係靚，但我冇諗到咁深層次，原來件衫唔啱我身形著，我冇留意呢啲。」Do姐追問她：「你著咗上身覺得OK？」江嘉敏回：「因為我覺得件衫好靚，就冇留意到整體，同妝、頭襯唔襯，我係分開睇，我應該要考慮吓搵形象指導，之前係朋友幫我。」Do姐秒速問她：「嗰個朋友絕咗交未？」江嘉敏表示只能怪自己很過堅持已見。

江嘉敏曾因王浩信有輕生念頭 自爆被青靚白淨無綫男演員力追【下一頁】

不經不覺，江嘉敏入行已有10個年頭，從小就喜歡演戲，帶住這個夢想，由臨時演員做起。Do姐指以前拍戲時，經常看到臨時演員在片場沒有一個休息的位置，江嘉敏帶笑說：「我比較大膽少少，我本身企到好遠，但我會走近啲，又走近一啲，因為我好想睇吓拍攝係咩一回事。」當了半年的臨時演員，幸運地，一個機遇成了特約演員，終於有對白講了，她滿心喜歡的，「當時拍一個短劇，有個特約演員病咗，導演即場問臨時演員嘅阿頭，邊個臨時演員可以講到對白，我聽到即刻舉手，『我呀，我咩對白都講得，咩角色我都做！』跟住即場試戲，嗰句對白係『唔好拉我，我冇做錯㗎！』我真係拍到，成功咗！」Do姐指她十分進取，追問在短片播出時，有否看看自己的演出？江嘉敏笑說：「唔知係咪畀人剪走咗我嗰句對白呢，哈哈！」

江嘉敏Po長文認與有米男友分手 「有骨」祝福：你們都會好好的【下一頁】

{{hket:inline-image name="10354362_1740431189520675_1658868086_n.jpg"}}{{/hket:inline-image}}

入娛樂圈的方法，其中一個途徑就是參選香港小姐，江嘉敏坦言當時的確有這個想法，只可惜沒有勇氣，所以惟有要求媽媽給她買后冠，在家中一嘗做港姐的滋味，她笑說：「我對自己嘅身材冇乜信心，因為要著比堅尼，所以我就打消咗呢個念頭。」
直至經一位演員朋友介紹下，江嘉敏認識了導演麥曦茵，正式開啟了演戲之門，拍MV、短劇、長劇，大部分都是學生角色，隨即吸引無綫劇集《親親我好媽》監製關永忠的注目，找她在劇中飾演Venus一角，不過，江嘉敏還以為是騙徒電話，三次Cut線，氣得關永忠大嚷「唔好再Cut線」，終於知道真的是無綫，而且試鏡成功，當刻開心到暈！《親》劇是江嘉敏人生中，第一套長劇，第一次拍廠景，回想首踏錄影廠時發生的趣事，她發現眼前所有景物，原來都是用木板製成，「我入到錄影廠，好緊張，我就挨住塊板，越挨越後，美儀姐（江美儀）就喝住我，『你唔好挨落去，假㗎！』。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】