譚仔慈善NFT「Souper Hero」 下月推 收益捐藝術中心

近排好多人都講NFT（非同質化代幣），希望喺未來嘅「元宇宙」分一杯羹。黛安收到風，專營米綫嘅譚仔國際都決定玩埋一份，下月19日起為旗下「譚仔雲南米綫」同「譚仔三哥米綫」推出首個慈善NFT系列「Souper Hero」，扣除成本後，收益將全數捐贈畀香港藝術中心以支持「埋嚟學Out of the Cube」計劃，協助培育本土藝術人才呀。

「Souper Hero」由「譚仔面料」、「譚仔姐姐」、「三哥面料」及「三哥人物」4系列組成，由4名本地著名漫畫家操刀設計，過萬個獨特NFT，扣除1,000個於下月8日預售「白名單」同20個公開拍賣外，其他每個將以$500發售。

獲VIP會籍 享獨家優惠

公關姊妹又話，買咗「Souper Hero」嘅除咗會得到譚仔或三哥嘅VIP會籍，更可享有眾多綫上綫下嘅獨家優惠，如免費換取兩餸米綫同參加獨家活動等，累積積分後更可賺取更多獎賞，詳情將參閱官方網站。