Blue Bottle Coffee義工隊 為社區無家者送暖

前年登陸香港嘅Blue Bottle Coffee，一直關心社區及支持本地農業發展，早前更成立首支義工隊，身體力行由ImpactHK同路舍帶領下，探訪社區無家者，為佢哋送上食物及生活用品。黛安知道，今次探訪唔係一次性嘅活動，品牌仲希望建立社區聯繫，增加公眾對無家者群體嘅理解和同理心，一齊關心社區嘅鄰里。

另外，即日起至6月15日，Blue Bottle Coffee將與MO／MaskOn喺K11 Art Mall合作設限定店，首次公開發售合作推出嘅口罩，為同路舍籌款，顧客凡購買口罩5片裝（$53），品牌就會捐$5畀同路舍，以支援正在經歷無家嘅人士。今次合作企劃仲會帶嚟由MO設計嘅2-WAYS TOTE咖啡環保袋，時尚又實用，而且係香港製造，值得支持啊。