日日媽媽聲丨阮兆祥遺憾曾拒媽媽再拍拖 盡孝心找同路人伴母歡度晚年

由余安安、陳凱琳和羅敏莊主持的節目《日日媽媽聲》除了訪問不少媽媽級的藝人外，亦有訪問一班圈中的孝順仔、孝順女，昨晚節目訪問到阮兆祥，他分享到自己跟媽媽的親密關係。阮兆祥年少喪父，自小已經跟媽媽相依為命，所以感情非常要好，「我17歲爸爸因急病而離開咗，之後我有感自己係屋企唯一男生，所以要孭起責任照顧家庭。」阮兆祥表示樂天的個性是遺傳自媽媽，任何困難都可以笑笑就過，而且對人真誠。

同場加映：鄭欣宜為演唱會排舞周身瘀 「六膠」Jeffrey「Ian嫂」Amy都要撲MIRROR飛？

{{hket:ul-video id="5780"}}{{/hket:ul-video}}

日日媽媽聲丨陳柏宇因父母離異曾住兒童之家 外婆不捨接回家親自照顧成長【下一頁】

{{hket:inline-image name="YUEN1.jpg"}}{{/hket:inline-image}}

阮兆祥指媽媽一直以來很支持他的事業，每次有他參與的節目推出，媽媽都會收看，只要是他講出口的笑話，媽媽都會好捧場大笑。「媽媽床頭有塊水松板，上面有貼住啲我做訪問嘅報道。」同場的羅敏莊表示：「祥仔媽咪真係好欣賞佢，每次個仔有演出，媽咪都係第一個話要去睇！」阮兆祥笑言全因自己似爸爸，所以媽媽每次望住他，都有種看著情人的那種「心心眼」，他表示過往跟羅敏莊不時有機會上郵輪登台表演，每次都會約埋大家的媽媽一齊上船玩，「等佢多啲活動，因為佢開始年紀大，身邊朋友唔多，子女就係佢哋唯一嘅依靠！」

陳凱琳受訪被Do姐重提「粉身碎骨」 處女監製節目搵朱千雪出山做嘉賓【下一頁】

提到對媽媽有一樣遺憾的事，阮兆祥娓娓道來，「爸爸離世後幾年，其實媽媽都有人追呀，知道呢個消息之後，我覺得接受唔到，爸爸媽媽應該先係一對，點可以咁？自己可能太細，所以唔係好識諗，當時反應都幾大，媽媽見到我唔開心，毅然放棄段感情。」他坦言現時回想都自覺太自私，「媽媽都需要多啲人錫，我遺憾有咁反應，應該反而鼓勵佢踏出呢一步。」

{{hket:inline-image name="YUEN7.jpg"}}{{/hket:inline-image}}

阮兆祥跟梅小惠、江欣燕、陳彥行和一位圈外朋友組成「媽媽會」，希望大家的媽媽可以多聚會面，阮兆祥說：「我哋成日都會約埋媽媽一齊食飯聯誼，咁啱大家媽媽都係冇咗另一半，我哋定期食飯見面。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉