阮兆祥近日接受由吳錫輝主持的無綫節目《輝哥為食遊IV》訪問，原來吳錫輝是祥仔的伯樂，事緣祥仔當年參加歌唱比賽，吳錫輝是評判之一，祥仔說：「你一定揀啲好嘅出嚟，所以你揀咗3個優勝者，我就係其中一個，李克勤冠軍，我係季軍。」祥仔表示1984年曾參加第3屆新秀歌唱大賽，可惜最後戰敗，得不到任何獎項，「後來我見到，張學友十八區（全港十八區業餘歌唱比賽）冠軍？呢一個（比賽）一定唔睇樣㗎喇，哈哈哈，一定揀實力派嘅，我咪即刻去參加囉，點知真係畀我講中咗，真係揀咗我成為優勝者。」
同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封
得獎後，祥仔獲得一份港台電視部的藝員合約，及後參加DJ訓練班，開展了DJ事業，在電台工作，祥仔說：「原來唔係一件容易事，當自己可以坐喺直播室做節目，就會發覺，我唔係節目主持人，我係導演、編劇、燈光、攝影、道具、音效，乜嘢都係自己，所以去做電台節目，我會有好大嘅滿足感，我有好多天馬行空嘅諗法，都可以喺節目入面實踐，所以我好享受電台嘅生活。」
阮兆祥父親為養家當差放棄演藝夢 傳統寡言爸爸未曾啟齒稱讚愛兒【下一頁】
當時祥仔以DJ歌手身份，推出了一張唱片，他說：「第一張唱片，賣到5000張，5000張對而家嘅市場嚟講，梗係OK啦，但喺當年8、90年代，算係好合格嗰隻，因為連金唱片都去唔到，我只有5000張，等於10分1隻嘅白金唱片，我就諗，我有咩輸蝕畀人？我有咩做得唔好？但當年有邊啲歌手受歡迎，就係林志穎，比較討好啲，觀眾緣比較強嘅歌手，我發覺我呢啲實力派，喺當時一定唔係好吃香，於是我就諗，有咩方法可以將觀眾緣賺返嚟，所以我主動同經理人講，我想入電視台做，於是我就去TVB試鏡，做當時嘅音樂節目主持人，因為我有少少優勝條件，就係我本身做開DJ，我同歌手比較熟絡，所以我做音樂節目可以話係手到拿來，其實我藉住一步一步喺電視曝光能夠增加我嘅觀眾緣，我就諗，終有一日，如果我嘅觀眾緣夠，我一定要再出唱片，但等到而家囉！」
《周末祥麒倫邦》丨王書麒遭梁梓禧爆帶女友返電台 囝囝Cody名校畢業：佢乖得滯【下一頁】
在這一行，祥仔一直視修哥（胡楓）為榜樣，覺得對方由粵語片年代到現在，已80多歲高齡都永不言休，對自己有要求、對藝術有追求，所以十分值得後輩學習。另一個演戲榜樣是李司棋，「喺《溏心風暴》，我哋好多機會一齊踫頭，佢可以控制到，講到邊一句對白之後流嗰滴眼淚，我唔知點練，又可能係佢天生嘅一個品質，我從來未見過一個人咁準確。」
祥仔演出過不少劇集，以及主持過不少節目，他覺得「福祿壽」系列是他的心水之作，「因為『福祿壽』由一個台慶表演節目，進而發展成綜藝節目，再變成劇集、電影、唱片，甚至演唱會，我覺得佢嘅效益係最大，亦都係祥仔嘅藝術生活裡面其中一個高峰。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】