阮兆祥父親為養家當差放棄演藝夢 傳統寡言爸爸未曾啟齒稱讚愛兒

父親在家庭中擔當非常重要的角色，是家庭支柱。父親節將至阮兆祥分享了與父親的相處點滴，到底父親在祥仔心目中又是一位怎樣的人呢？

{{hket:inline-image name="8e2d69dea6cbc01d83106228f1d79b5b.jpg"}}{{/hket:inline-image}}

阮兆祥17歲時，爸爸急病離世，他和姐姐侍母至孝，一切都以媽媽為先，祥仔表示︰「爸爸走嘅時候是年初五早上，只得49歲，好年輕，而我就17歲。當日清晨，爸爸突然感到心口痛，唞唔到氣，我哋即刻同佢做心外壓，打電話叫救護車，雖然救護車好快到，但搶救無效……成件事好突然，後尾先知道爸爸係血管閉塞。」爸爸猝逝後，祥仔成為家中唯一男丁，肩負照顧家庭的責任，「我要變得強壯啲去照顧屋企，多咗份責任。」

祥仔憶述早年在活動上，巧遇亡父的一位舊同事，「佢話我知，我當年參加新秀入咗決賽，爸爸就同啲同事講感到驕傲、光榮……而呢啲說話，爸爸從來無同我講過，亦從來無讚過我。同埋，爸爸有個夢想，就係做幕前，佢好鍾意鑽研粵曲，又好鍾意表演，但當年因為想要有份穩定收入照顧家庭，就放棄咗夢想，去咗考警察。」

那次從爸爸舊同事口中得悉父親為自己感到光榮，令祥仔決心做好演藝事業，完成爸爸未完的心願。祥仔表示︰「『子欲養而親不在』呢句說話，我真係感受至深，爸爸生前去過最遠嘅地方係澳門，好可惜爸爸走咗，唔可以去再遠嘅地方，人生就係充滿遺憾。我將呢份孝心全部放喺媽咪身上，希望爸爸能夠放心。我而家嘅成就，係爸爸保佑而嚟。雖然佢唔喺我身邊，佢亦會睇到，有時我都會對住爸爸張相同佢傾偈，好似互相溝通咁。」

撰文︰Pat、Pauline

同場加映：  一笑渡凡間│杜燕歌願替愛妻韓馬利受病痛煎熬 當配音員五勞七傷：「快樂是良藥」

{{hket:ul-video id="3262"}}{{/hket:ul-video}}