音樂旅情︳蔣嘉瑩跟兩位殿堂級老師學唱歌 遭逢巨變想做傻事：好難跳出嚟

蔣嘉瑩接受主持人楊紹鴻訪問，在網上節目《音樂旅情》裡暢所欲言。由昔日移民加拿大讀書說起，自小喜歡唱歌的她，進入樂壇前先後跟隨殿堂級老師華娃、秦燕學習唱歌。而爸爸在她14、15歲因交通意外過身，大受打擊，情緒極度低落，「一度想做傻事」，至今仍未完全解開這個心結。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="05102001.jpg"}}{{/hket:inline-image}}

{{hket:inline-image name="1024_6900d502c421066b00cc40c1b74f130d.jpg"}}{{/hket:inline-image}}

蔣嘉瑩表示小學四年班時移民加拿大溫哥華讀書，很不適應，整個班房只得她一個唐人，「其他同學都係外國人，仲要我一個英文係有限公司嘅人去學法文？完全唔知係咩嚟，好似啲英文倒轉晒咁，畢到業就算。而家已經唔識，交返晒界老師。（從小喜歡唱歌？）係，3歲已經參加歌唱比賽，喺幼稚園唱《430穿梭機》，好記得上台由頭喊到尾。（家人安排學唱歌？）媽咪爹哋好鍾意聽歌，我細個時佢哋成日帶我去海洋皇宮食飯，嗰度有個好大嘅舞池，我唔怕醜衝出去跳舞，跟住人哋唱歌。媽咪覺得我鍾意唱歌就帶我去學，由加拿大到返嚟香港都有跟老師學唱歌。」

疫情前遊布吉 蔣嘉瑩驚訝囝囝勁大膽【下一頁】

在加拿大跟華娃老師學習唱歌，蔣嘉瑩從對方身上學到不少終生受用的東西。在她14、15歲時，發生了一件不愉快事情，「當時未畢業就返咗嚟香港，因為我爸爸喺香港交通意外過身。爸爸公司業務要媽媽、哥哥處理，佢哋要幫手睇住間公司，唔能夠將我留喺嗰邊。我返過去溫哥華時，心理有啲問題，喺Dark Side嗰度好難跳返出嚟，甚至跨張到有少少自殺傾向……爸爸好錫我，佢過身對我打擊非常大，呢件事真係咁多年都放唔低……到而家都放唔低……」

隨著回流潮，蔣嘉瑩返香港定居及讀書，媽媽又安排她跟秦燕老師學習唱歌，「覺得媽咪好叻，佢唔係呢行嘅人，又搵到呢行咁知名、資深嘅老師，秦燕老師令我間接認識到我嗰時經理人Apple姐，當年就咁帶咗我入行。其實我唔係參加歌唱比賽入行，係咁啱佢去探老師，之後搵咗我、胡諾言唱咗一首歌（《戀愛季節》），跟住就有機會唱《假如真的再有約會》（2000年）。（憑這首歌一夜爆紅？）出呢隻歌時未有知名度，我慢慢退出呢個樂壇時……其實唔知自己有冇入過行，我唔唱嘞，返番去讀書嘅時候呢首歌就開始紅！哈哈哈！乜嘢叫『紅歌唔紅人』就係呢啲，但咁多年我冇介意過，紅歌唔紅人冇乜所謂，呢首歌能夠流傳咪得囉！老實講冇咩人識得蔣嘉瑩，當我再出嚟唱歌（2017年於無綫節目《流行經典50年》獻唱），啲人講呢首歌好好聽，原來你就係蔣嘉瑩唱，仲話呢首歌陪住佢哋成長，細細個聽我唱呢首歌，自己都開心嘅。」

各自有家室｜黃翊蔣嘉瑩過從甚密暗角談心 再與人妻傳緋聞：見慣風浪都冚親【下一頁】

當歌曲爆紅時有沒有想過重返樂壇？她說：「冇，又冇心癢癢。當年我唔係好識得講嘢，Live之前都係『啞』嘅。（無唱片公司邀請？）當時已經冇約，有兩間唱片公司搵過我，但自己唔係食呢行飯嘅人，始終要出嚟應酬，要識得同人溝通。雖然我性格開朗、樂觀，但唔係好識得同人傾偈，唔係好識表達自己，唔可以喺娛樂圈生存到，同埋當時搵到自己鍾意嘅工作。但當社會經驗慢慢累積，『幾十歲又驚咩呀』，冇嘢輸，又有個節目搵我出嚟唱（2014年為亞視台慶表演）。」

（↓點擊圖片放大↓）

蔣嘉瑩於2014年為亞視台慶表演，外間迴響並不太大，到2017年上無綫節目《流行經典50年》，反應明顯不同，成功勾起樂迷、觀眾、網民的集體回憶。她再次踏足舞台，2018年參與伊館的《真‧經典 電視主題曲演唱會》。是甚麼驅使再次唱歌？她說：「都係因為《流行經典50年》，好多謝呢個節目，帶咗我嗰個年代，或其他年代嘅歌手，集合埋一齊，甚至有好多人因為呢個節目而繼續唱，做歌手；我喺呢個節目識到好多人，我而家老闆都係咁樣認識嘅，我做咗黃翊嘅經理人，叫做咩都試吓啦！」蔣嘉瑩同黃翊去年11月於公園暗角傾偈，一度驚爆緋聞，事後二人澄清只是傾談工作。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】