徐榮最近劇集《反黑路人甲》飾演「喪鐘」一角，奸到出汁，亦十分有氣勢，角色一洗《愛回家》「馬強」味。而近日正在拍攝新劇《七公主》的他，竟然反串扮女人！徐榮似乎對自己扮女裝非常滿意，表示：「其實我扮女人都...o...k...嘅！」
徐榮表示：「其實我扮女人都...o...k...嘅！」(圖片：徐榮IG)
日前徐榮喺社交網上載化妝縮時短片，片中化妝師為其化妝，畫上眼線及搽上紅唇，加上假髮，有幾分「女人味」。徐榮接受訪問時表示化完妝自己都有啲驚嚇：「不過就想分享下，覺得半男半女個妝都幾得意，畀大家笑下又好驚下又好。我用咗縮時影片，片長20幾秒，即係大概化咗20分鐘，連埋個頭就8個字左右，唔算耐。不過女仔妝的確比男仔妝化得耐啲，我喺條片都瞓咗幾轉。」徐榮這個妝容令黃智賢感到震驚，指：「驚.......為天人呀！大佬」
(圖片：徐榮IG)
(圖片：徐榮IG)
(圖片：徐榮IG)
(圖片：徐榮IG)
(圖片：徐榮IG)
46歲的徐榮在參加1998年第13期無綫藝員訓練班後加入TVB，至今已22年。徐榮入行多年曾演過無數角色，更曾參演過四部處境劇，當中包括2007年《同事三分親》「裘俊」、2008年《畢打自己人》「包國仁」、2010年《天天天晴》「郭偉龍」及2012-2015《愛回家》「馬強」。徐榮更曾憑「裘俊」一角於《萬千星輝頒獎典禮2007》提名最佳男配角及《萬千星輝頒獎典禮2008》提名飛躍進步男藝員及最佳男配角。
《同事三分親》中飾演「裘俊」(圖片：網上影片截圖)
《畢打自己人》中飾演「包國仁」(圖片：網上影片截圖)
《天天天晴》中飾演「郭偉龍」(圖片：網上影片截圖)
(圖片：網上影片截圖)
《愛回家》中飾演「馬強」(圖片：網上影片截圖)
（圖片：郭少芸微博）
徐榮接受本報訪問時表示《同事三分親》「裘俊」一角令更多人認識他：「最初對於我好重要係《同事三分親》嘅裘俊，令觀眾認識我，知邊個係徐榮。」而之後他在《愛回家》「馬強」一角亦十分深入民心，他坦言當年都用了一段時間才洗甩「馬強」味：「個角色拍得太耐，完咗《愛回家》我接幾套反派，大家都仲係覺得我有啲馬強影子，好彩係後來經歷多咗，亦有唔同角色，慢慢沖淡個味道。」他亦曾於《心戰》客串飾演變態殺手岑志聰，及在《巨輪II》飾演黑幫頭目馬文泰，演出備受好評。
(圖片：《愛回家》截圖)
(圖片：《反黑路人甲》電視截圖)
直至現在他在《反黑路人甲》飾演「喪鐘」一角，今次這個反派角色帶給觀眾更多新鮮感。徐榮說：「依家嘅《反黑路人甲》就畀觀眾知道我可以做反派，又有自己style，同我真實形象反差好大，令觀眾更有新鮮感，知道徐榮可以演到唔同角色。監製都畀咗好大自由度我去發揮。」徐榮亦希望以後有機會演不同類型的角色同更多唔同造型：「等大家開心下、驚下、感動下又好，係我嚟緊想帶畀觀眾嘅感覺。」
(圖片：《反黑路人甲》電視截圖)