張智霖失視帝獎寸爆講「親生仔論」 冇隔夜仇隨時返TVB：我的恩人

古天樂、張智霖、鄭嘉穎、宣萱主演的電影《G風暴》去年除夕上映6日，便因疫情致戲院停業而叫停；相隔近4個月，全港戲院重開電影亦再度上映。與宣萱相隔多年再合作，張智霖話感覺就好似噚日先合作完咁：「感覺上冇太大分別，當然佢而家演技更加成熟，喺現場亦好認真，希望每一句對白、每一個鏡頭都做到最好。」宣萱指大家合作得非常開心，鏡頭後會聊天、開玩笑，氣氛融洽。

同場加映：  360秒人生課堂丨林盛斌高EQ全靠人生經歷累積 豁達面對負評意外為仔女「打底」

{{hket:ul-video id="5606"}}{{/hket:ul-video}}

歌手出身嘅Chilam曾參演過不少劇集，同宣萱早喺1996年合作拍《天地男兒》結緣。Chilam仲演活唔少經典角色，當中於《十月初五的月光》中飾演嘅初哥哥至今都令人難以忘懷。2013年佢更憑《衝上雲霄II》中Cool魔一角成為大馬雙料視帝，其後在《萬千星輝頒獎典禮》上獲得全民選出的「最受歡迎電視男角色」，但就失落香港視帝。

{{hket:inline-image name="a9c16e4fc9f3b8109dfed8ecfd8f44eesaasftp20200221.jpg"}}{{/hket:inline-image}}

當時佢喺台上領獎時講出一番似乎「有骨」嘅說話：「咁係咪代表TVB唔鍾意我呢？點解全民投票我先至攞到嘅？其實親生仔固然之係可愛啦，但係有一種仔女都係好可愛，就係當你需要佢嘅時候，佢會及時出現，呢啲叫義氣仔女。」不過當時有網民批評Chilam此番說話不夠大方得體，而佢事後就解釋只是講笑。

近年Chilam積極於內地發展，人氣強勁，早前有份參演嘅劇集《家族榮耀》出街後亦有唔少香港觀眾視迷話好掛住佢。而Chilam近日於內地接受訪問，亦「不計前嫌」表示唔排除會重返TVB拍劇：「如果有好的劇本一定會回去呀，始終我也是在TVB有很多回憶在裡面，TVB是我的恩人，對。」