上海封城｜陳浩民$2000買價值$50餸大呼感恩 老婆蔣麗莎喝收聲：我們是被坑了

近日內地疫情持續升溫，國家衛健委宣佈，4月10日內地新增27509宗本土病例，當中上海佔高達26087宗，打破單日確診人數紀錄。上海封城至今已經兩星期，民生物資等仍未解決，好多人儲糧不足惟有慳住食；至於好似陳浩民咁有能力嘅就「課金」補給，不過日前佢同太太蔣麗莎開live時就透露自己用咗2000蚊人仔，買咗原本只係值50蚊左右嘅糧食，似乎做咗大水魚。

同場加映： 新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

兩年前陳浩民舉家遷居上海，不時都會拍片分享疫情下嘅封城生活。陳浩民屋企有6個口等住餵，除咗4個仔女外仲有兩個老人家，一家八口每日會消耗幾多食材真係可想而知。上海封城之下民眾無法外出購物，蔣麗莎就負責喺佢哋上海嘅屋苑做團長，幫助業主們團購物資。

{{hket:inline-image name="001Uh6zDly1gz6fw4mz96j60v1151jxs02.jpg"}}{{/hket:inline-image}}

日前蔣麗莎同老公齊齊做直播，爆出買糧食嘅價錢比平時多咗40倍，用2000蚊天價只係買到超市平時價值唔夠50蚊嘅餸，佢更加展示單據，上面顯示佢哋買嘅只係3個蕃茄、2條紅蘿蔔、15個雞蛋、唔夠1斤嘅白菜同埋一袋大米，已經索價1,500蚊人民幣，另外仲要畀多500蚊嘅「跑腿費」。

兩夫婦對呢個天價收費感覺完全唔同，仲因為咁喺直播中嘈交，陳浩民表示：「特殊時期，人家跑腿小哥，冒著危險給我們送食物，我們應該感謝，而不是埋怨，現在社區都封了，有口飯吃就不錯。」但蔣麗莎喝令老公收聲，表示：「我們是被人坑了，或者有人故意用這個非常時期亂收費，我們應該站出來制止，不能讓這種亂收費行為如此猖狂。」

唔少網民都話陳浩民應該平時剩係負責畀錢，真心唔知價，又有人指廣州哄抬物價嘅人都已經被拘捕，建議佢哋有相同情況應該搵有關部門投訴求助。又有網民覺得佢哋唔係呻，而係「炫富」，又指佢哋嘅情況已經比好多普通百姓理想。

圖片來源：微博

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】