新歌愚人節首播︳Edan呂爵安貪玩連環整蠱粉絲疑出事 網上收「問候」 急開Live補鑊

MIRROR成員Edan呂爵安個人跳唱作品《Elevator》昨晚（4月1日）MV首播，片中隊友Jer柳應廷同Anson Lo盧瀚霆閃現，還有羅家英、阮小儀及《闔家辣》導演鄭晉軒客串。原本加上Edan的勁舞已夠吸引，他卻趁愚人節兩度整蠱粉絲，在約定播出時間用女鬼畫面嚇人，並話：「愚人節快樂，八點三再返嚟睇啦！哈哈哈！」，但時間到仍是繼續玩大家，見Edan在鏡頭前以誇張表情話：「哈哈哈，愚人節快樂，八點半再返嚟睇啦！」

{{hket:inline-image name="edanlui_277662920_1024204761515840_2232858597559702006_n.jpg"}}{{/hket:inline-image}}

{{hket:inline-image name="IMG_1706.JPG"}}{{/hket:inline-image}}

同場加映：飛虎3壯志英雄丨蔡思貝認表裡不一軟弱時需要陪伴 「事業未成唔會諗結婚生仔」

{{hket:ul-video id="5494"}}{{/hket:ul-video}}

Edan此舉似乎激嬲部分粉絲，令他臨時決定在MV首播前，突發在IG開Live安撫粉絲，同場經理人花姐在背後不時幫口解釋。Edan對住鏡頭說：「呢個係突發嘅Live，因為今日係愚人節，啱啱同大家玩咗兩個玩笑啦，咁呢…決定安撫吓大家，因為嚟梗八點半嗰個真係真嘅，我發誓真係真。可以講呢條橋點嚟，本身呢身歌係二月尾出，但係因為疫情關係拍唔到MV，所以改喺三月尾出，花姐喺拍MV嗰日突然話不如愚人節出，隻歌嘅feel幾啱，再之後自己思考咗一陣，既然愚人節出不如我玩大啲，同花姐講不如…（身後花姐即開聲話整件事唔關佢事，係Edan想整蠱大家），真係唔關花姐事…，啱啱睇到大家Comment，見到大家嘅問號啦，仲有好多『問候』啦，但係應節嘛，愚人節係唔可以嬲，同埋相信大家願意等多十分鐘，係咪？」

MIRROR丨呂爵安愚人節推首支個人跳唱歌 邀爵屎估歌名卻遭隊友「劇透」？！【下一頁】

期間花姐提醒Edan多講有意思內容，藉此安撫不滿的粉絲，Edan續說：「見到我應該安撫到，哈哈哈哈…，我啱啱都好緊張，Mon住大家嘅Comment，一出咗見大家反應大變，好多心心啦，好期待、好緊張，點點點咁，『頂』同問號、問號，覺得好好笑，所以So Sorry玩咗大家，一陣嗰個係真。」

{{hket:inline-image name="youtube04021806.jpg"}}{{/hket:inline-image}}

{{hket:inline-image name="youtube04021805.jpg"}}{{/hket:inline-image}}

Edan雖然希望能夠安撫大家，不少粉絲仍是不收貨，在這次Live內留言圍插他：「玩完未呀你？」、「點賠罪」、「唔想再信你！！！」、「IG講粗口會唔會畀人block？」、「Ok，唔睇」、「想打你」、「記咗你小器簿」、「中咗兩次伏，頂你」、「你個樣笑到勁奸」、「8點半唔睇啦」、「冇諗過你玩咗兩次」、「即刻unfollow」、「你已經唔可信㗎啦！」、「過咗十二點喎」、「你想點呀」、「咁樣叫安撫咩，衰仔」及「無安撫到任何人」。

（↓點擊圖片放大↓）

此外，今次MV邀請多位嘉賓客串，Edan表示：「咁啱MV裏面有咁多角色需要搵人去演繹，其中家英哥同小儀好快就喺我腦海中彈咗出嚟，仲有Jer、Anson Lo同Coba（鄭晉軒），好開心嚟幫手參與，我相信本身有留意我嘅人或者我嘅粉絲都會對佢哋嘅參演感到興奮。」對於首次單人匹馬演繹跳唱作品，沒有任何一位MIRROR在旁，Edan坦言有感到孤單，而怯的感覺更感強烈，「其實真係到咗自己一個去做跳唱，先發覺喺跳舞上好冇信心，好驚跳得唔好。今次搵咗ERROR嘅肥仔（梁業）排舞，大學時佢已經係我跳舞老師，不嬲對佢排舞好有信心，因為識諗好多畫面嘢，佢諗嘅畫面可以填補我嘅不足，但排舞後先發現自己仲有好多動作做得唔夠好，所以拍MV前一晚佢都幫我加操一堂。其實跳舞部分好緊張，擔心出嚟效果會唔會爭啲，但應該Ok嘅。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】