呂爵安（Edan）去年以新人姿態，於各大樂壇頒獎禮橫掃新人及歌曲獎，其中音樂串流平台JOOX亦頒發「年度新人」予Edan，其出道作品《E先生連環不幸事件》更是「年度TOP聽推介本地歌曲」第一位，成續理想。Edan昨晚舉行首個個人綫上音樂會，MIRROR隊友柳應廷（Jer）任嘉賓與Edan合唱，兩子不時互送高帽，時而揶揄對方，盡顯默契。
同場加映：COLLAR出道12日即接飲品廣告代言 Day認混血兒 Candy投訴經理人拖糧？
{{hket:ul-video id="5171"}}{{/hket:ul-video}}
{{hket:inline-image name="2.jpg"}}{{/hket:inline-image}}
{{hket:inline-image name="E5.jpg"}}{{/hket:inline-image}}
《JOOX TOP聽推介年度新人- Edan呂爵安》 線上音樂會昨晚舉行，Edan以台灣愛情電影《月老》主題曲《如果可以》揭開序幕，之後唱出《E先生連環不幸事件》、《小諧星》等；Jer則擔任嘉賓，以湯令山的《勁浪漫超溫馨》出場，兩子又合唱《一表人才》及MIRROR團歌《12》。Edan與Jer老友鬼鬼，Edan笑言︰「今晚（昨晚）呢個係吹水騷，唱歌環節已經完咗！觀眾鍾意聽我哋吹水多過唱歌。」Edan回想起Jer前年的音樂會，剛好角色互換︰「2020年8月，Jer首《迴光物語》推出，當時佢個騷由我做MC，緊張到不得了，花姐（經理人黃慧君）同我講如果表現得唔好，就無得出歌。」
Edan續表示，去年《E先生》讓更多人認識和欣賞自己，令他十分感恩；但以往獻唱《E先生》時，Edan均會自彈自唱，但音樂會上卻沒有彈琴，他解釋︰「只想專心唱歌，今年壓力好大，好多嘢逼住自己成長同努力，但有壓力先會進步。」至於Edan選唱《如果可以》，Jer問Edan是否想把自己打造成「情歌王子」？Edan即認叻謂︰「唔使打造，我已經係！」歷時約45分鐘的音樂會，吸引近五萬人收看，相當厲害。
Edan和Jer在音樂會結束後接受訪問，Edan坦言有點緊張，下次會努力做得更好，他說︰「今次音樂會有大約六首歌，如果有兄弟喺身邊會輕鬆啲，亦有多啲唔同形式嘅表演。」不過Edan直言很喜歡與Jer合唱的〈12〉，認為一人一句疊唱形式的表演很有趣，惟Jer笑謂︰「呢首歌本來12個人唱，依家要對住Edan唱咁sweet嘅歌詞，例如『I need you（我需要你）』…我覺得有啲嘔心！」
另外，MIRROR在去年取得好成績，單飛出道的Edan同樣表現亮眼，談到新一年的目標，Edan表示︰「好多謝每一位粉絲，無論係MIRROR粉絲定係個人粉絲，佢哋都係因為好愛我哋，先會成日聽我哋嘅歌，所以真係好幸運，2022年要對得住大家，做更多好嘅作品…而今年希望會出兩至三首歌，年中可以舉行MIRROR演唱會。」Jer則說:「會繼續進行系列嘅形式，當中會有side track，我先唔劇透，但肯定會係全新嘅Jer！」
至於剛度過25歲生日的Edan，對於「爵屎（Edan粉絲）」安排的生日驚喜大感高興，他承諾會盡力做好手頭上的工作，以報答他們；Jer就建議Edan要發揮搞笑本色，例如吹牧童笛或者接受其他不同挑戰，粉絲們肯定十分喜歡。
撰文︰黃寶蓮