思家大戰︳李思捷為家人WFH隔空主持節目 網民嗌接受唔到：不如停錄

由李思捷監製及主持的無綫遊戲節目《思家大戰》，首一輯自去年8月播映至今已接近尾聲，近日最後三集的錄影，身為靈魂人物的李思捷竟然沒有現真身，竟然透過顯示屏工作，以WFH形式、隔空做節目主持。有網民懷疑李思捷染疫，又提議節目停止錄影，因為給人感覺不夠實在。

{{hket:inline-image name="07.png"}}{{/hket:inline-image}}

{{hket:inline-image name="09.png"}}{{/hket:inline-image}}

同場加映：河國榮來港35年最愛香港人 面對逆境：一定有明天嘅！

{{hket:ul-video id="5501"}}{{/hket:ul-video}}

李思捷為免外間繼續揣測，特別接受無綫官方訪問，直接回應有關問題，不過他依然無現真身，同樣透過視像形式出鏡，他說：「因為喺呢個疫情裏面，為咗保護自己，亦為咗保護自己屋企人，就想安全啲。我覺得無理由暫停，節目幾好睇觀眾又接受，咁繼續開就要玩安全版，呢個幾得意，好似AI智能公仔走嚟走去，又可以望住你傾偈同溝通，仲靚仔過真人，最梗要係安全。不過真心要同家庭觀眾講，若果喺畫面上、感覺上未太適應嘅話，同大家講聲對唔住，Sorry。Say Sorry外仲要講聲多謝，多謝工作人員同現場嚟玩嘅嘉賓。」

思家大戰丨Patrick Sir黃建東答違禁品出賣年齡 圈中原來仲有好多「喇沙仔」...【下一頁】

至於何時才見到真人？他話：「我梗係會返嚟，所有嘢穩穩陣陣當然返嚟啦。」李思捷未能親身參與錄影，少不免令外界懷疑身體上有不適，他認為這次訪問已證明自己無事，並再強調是為保護自己及家人，所以才以這個方式主持節目。問到有否被這方式考起？「我覺得好過癮，疫情期間有呢個穩陣版，又可以走嚟走去，只不過我平面咗少少，雖然我五官已經唔突出，但係基本上無咩問題，同佢哋有好多互動、交流，完全係無分別。」

思家大戰丨安德尊與「宿敵」李錦聯同場 未玩Game先開火：呢個閒人嚟！【下一頁】

其實錄影過程全靠一蚊Joe（游莨維）在背後協助，將顯示屏在錄影廠內游走，十足李思捷身處現場走位。李思捷表示：「我對佢要求好高，大約一個禮拜前拍咗一條片，教佢幾時行、幾時推，佢記晒入腦之後，所以綵排好順利。」一蚊Joe指為免推跌顯示屏，特別在底下加了兩大袋沙包，感覺重量十足李思捷真人，「推嗰時要有少少技巧，最難係要推啱位，你知李思捷又有要求，推錯咗嗰位會有好大壓力。」

（↓點擊圖片放大↓）

李思捷今次以WFH形式做主持，做法難免惹人詬病，若果節目嘉賓同樣以保護自己及家人為由，豈不是整個節目無真人出現，再者由曾志偉、錢嘉樂、馮盈盈及鄧衍峰主持的節目《講你都唔信》，如常同嘉賓親身在鏡頭前互動，並沒有因疫情而改變拍攝模式。有網民對此不太接受：「條友仔一定中咗」、「可以暫停，現在好似玩吹氣公仔，一啲都唔實在」、「還不如停錄一下」、「哈哈哈哈，咁都得，我建議所有主持人都咁搞」、「這個錄影形式真的是笑死，哈哈哈」、「看看效果吧」及「我接受唔到」等。不過，仍有些支持聲音：「呢個方式唔錯」、「應該是考慮到他親愛的媽媽，其實也是一種形式。看這個節目很開心，藝人素人上來都好看」、「好得意咁玩法」及「正，我鍾意，多謝李生」等。

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】