反起跑線聯盟丨梁詠琪與人母外傭交流場面感人 瑤瑤可愛搶鏡 趙應春黃大鈞驚喜客串

ViuTV新劇《反起跑線聯盟》昨晚首播，新聞從業員Nora（梁詠琪飾）與任職保險的丈夫Armand（強尼飾）工作忙碌，平日照顧女兒瑤瑤（張曦晨飾）和屋企家務的責任都依賴外傭，Nora見瑤瑤近日返學時扭計不願意起床，又詐病扮肚痛，感覺到女兒不太適應校園的生活。

同場加映：梁詠琪與4歲半童星演母女 唔怕囡囡呷醋：佢當係自己朋友

{{hket:ul-video id="5464"}}{{/hket:ul-video}}

反起跑線聯盟丨梁詠琪與4歲半童星演母女 唔怕囡囡呷醋：佢當係自己朋友【下一頁】

{{hket:inline-image name="yiu1.jpg"}}{{/hket:inline-image}}

{{hket:inline-image name="GI2.jpg"}}{{/hket:inline-image}}

{{hket:inline-image name="GI1.jpg"}}{{/hket:inline-image}}

外傭決定辭職回家鄉照顧自己的孫女，Nora要在外傭空窗期重新學習做家務和照顧女兒，加上不少突發工作，令她苦不堪言，展現出在職媽媽的辛勞。後來，Nora在孔校長（袁富華飾）的提醒之下，發現女兒最需要的是媽媽，所以決定放棄升職的黃金機會，辭職做全職媽媽去照顧女兒。

劇集首播後，導演劉偉恒、梁詠琪、強尼、周家怡和袁富華齊齊開IG Live傾偈，梁詠琪和周家怡一致表示，劇中外傭跟Nora講到自己為搵錢養家沒辦法陪子女成長，這一幕睇到非常感動，周家怡直言睇到喊。梁詠琪大讚飾演女兒瑤瑤的小演員張曦晨，可愛之餘，喊戲亦能夠收放自如。

{{hket:inline-image name="hihi.jpg"}}{{/hket:inline-image}}

而ViuTV的FB留言區反應都不錯，大讚劇情輕鬆沒負擔，而且反映出香港家長面對的問題，非常有共鳴。「終於唔使燒腦，輕輕鬆鬆幾好睇，梁詠琪咁大卡士都請到，Viu係勁」、「貼地，現實就係咁」、「好睇啊！臨尾工人姐姐交本筆記畀Gigi，流咗眼淚」、「好好睇，非常貼地」、「Gigi演得好好、校長好鬼馬！套劇講父母和子女關係，好寫實」、「班小朋友又得意又可愛」等等。

反起跑線聯盟丨周家怡攞住公仔感受生仔之痛 被叫「媽媽」覺得好sweet【下一頁】

論到昨晚第一集的驚喜位，相信是兩位新聞界人士跨足客串，分別是趙應春和黃大鈞。趙應春曾任無綫新聞記者兼主播、有線寬頻主席特別助理以及有線新聞前執行董事，也曾是香港新聞行政人員協會執行委員，2019年趙應春榮休，結束逾40年的新聞工作生涯。今次由劉偉恒親自「碌爆」人情卡邀請趙應春粉墨登場，同時亦邀請到曾於無綫新聞擔任高級記者兼主播的黃大鈞一齊客串，雖然只是短短一場戲，但場面非常有趣。

黃大鈞現時是酒評人，持有英國WSET品酒資格，他在社交平台笑言：「多謝朋友們收睇《反起跑線聯盟》同Cap圖！我唯一後悔係冇早少少減肥，拍攝嘅時候應該係我最肥嘅時期，所以我減肥嘅決定係正確嘅！」

{{hket:inline-image name="GI3.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉