反起跑線聯盟丨梁詠琪與4歲半童星演母女 唔怕囡囡呷醋：佢當係自己朋友

梁詠琪（Gigi）在《反起跑線聯盟》中飾演由女強人轉全職媽媽的人母，首次拍劇的她感恩有「老公」強尼的靚聲，加上「女兒瑤瑤」張曦晨的配合，令她有賓至如歸的感覺。Gigi有信心女兒Sofia不會呷醋，雖然疫情之下與愛女留家相處機會增多，不過Gigi認為長期停課難免影響小童身心靈發展，期待早日疫情過去，女兒能重返校園建立正常社交。

{{hket:ul-video id="5464"}}{{/hket:ul-video}}

Gigi首次參與劇集拍攝，全因跟導演劉偉恒經常討論湊仔、湊女經，見證對方由構思到籌備的過程，順理成章參與其中飾演一個劇中的媽媽。「佢係第一次拍劇，我亦係第一次拍劇集，其實我覺得同拍電影分別不大，而且電視劇都好認真製作，令我有賓至如歸感覺，拍得好舒服。特別係好演員做拍檔，係一次好好經驗。」劇中的老公由強尼飾演，Gigi讚不絕口，她說：「好滿意強尼呢個老公，第一次合作都完全冇生疏嘅感覺，認識佢係睇《全民造星》，覺得呢個男人把聲好好聽，到真正拍攝時感覺好熟悉，可能聽佢把聲覺得好親切。」

反起跑線聯盟︳MIRROR COLLAR甫幼稚園相撐新劇 主角梁詠琪自爆係學校「風頭躉」【下一頁】

{{hket:inline-image name="275846102_517753019711591_8658114563567503438_n.jpg"}}{{/hket:inline-image}}

{{hket:inline-image name="KLJSHDF.JPG"}}{{/hket:inline-image}}

{{hket:inline-image name="GB.jpg"}}{{/hket:inline-image}}

{{hket:inline-image name="DR.jpg"}}{{/hket:inline-image}}

Gigi劇中的女兒是四歲半的張曦晨，她大讚劇中7名的小演員都非常活潑，「演員休息緊，佢哋仲喺花園玩，真係精神充沛，（擔心女兒Sofia呷醋？）唔會，我有話佢知我拍呢個戲，有個小妹妹做我個女，同Sofia講拍攝時都有諗起佢。佢都想快啲睇，每次我出門拍攝都有問我：『今日有冇瑤瑤呀？』佢當咗係佢個朋友咁！」

今次劇集圍繞香港教育制度和家長對小朋友的兩幫不同取態，兩批不同教學理念的家長，作為香港孩子的家長，Gigi說：「做父母本身都唔係容易嘅事，生完小朋友出嚟，想知點做好父母？睇書、網上資料或問有經驗父母，但每個小朋友唔同，要獨立去了解同研究，方法仲要每年改變，因為小朋友都會轉變。香港生活環境、制度都有佢獨特地方，父母要適應同識得變通，我個女7歲開始好多獨立自主嘅渴求，變得好快，例如有時我幫佢決定咗嘅嘢，安排好晒，佢突然會答唔想，但又冇原因，做媽咪就要隨時準備Plan B或C ，唔可以主導晒之餘，又要引導佢做正確選擇，每日都挑戰緊IQ同EQ！」

梁詠琪混血愛女Sofia自彈自唱 遺傳音樂基因被讚撞樣謝嘉怡【下一頁】

Gigi的丈夫Sergio是西班牙人，以往疫情前都不時回鄉探望家人，會否安排混血兒Sofia到外國升學？Gigi稱暫時未有計劃，相信讀大學之前都會留香港。異地戀的結合，兩公婆對於育兒方針會否不一樣？Gigi不敢定義Sergio是神隊友還是豬隊友，不過兩人的教育理念相同，反而生活習慣有文化差異，「外國人小朋友病咗，第一時間衝去睇醫生食西藥，但我屋企係會用食療或者中國人偏方，唔需要吓吓用西藥解決。兩公婆之間只能夠攞個平衡，父母都放心，家庭又一團和氣。」

{{hket:inline-image name="79243752_215338972802194_8241244217693993978_n.jpg"}}{{/hket:inline-image}}

Gigi稱當媽媽之後，個人娛樂已經減到最低，過往一直保持工作，有種「放監」的感覺可以透透氣，有工作在身可以保持與世界一種聯繫，做「潮媽」而不至於成為「師奶」。疫情之下，Gigi在家工作為劇集宣傳，陪伴小朋友的時間增多，「小朋友有爸媽陪玩就開心，但在我角度睇，小朋友困喺屋企太耐對身心靈都唔太健康，而且做家長要拿捏好佢嘅依賴性，希望早日疫情過去，囡囡可以去實體課，建立番正常社交同獨立性。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉