梁詠琪考8個鐘法式甜品試險出事 《Today》賀畢業壓力釋放爆喊

現年45歲嘅Gigi梁詠琪，6年前生咗囡囡Sofia之後，雖然少咗喺幕前出現，佢其實趁機發展咗好多唔同嘅興趣同事業。除咗同老公代理西班牙童裝品牌，去年仲報名修讀法國糕餅烹飪藝術文憑，報讀全日制「法式甜品烘焙文憑課程」；近日去到最後大考，Gigi上個星期練習已經表示「壓力巨大」，日前考試終於完結，壓力一釋放，佢仲忍唔住爆喊添！

{{hket:inline-image name="135330904_682953695708386_3260759234418827682_n.jpg"}}{{/hket:inline-image}}

Gigi呢次要參加1小時筆試，再加7.5小時實習試，仲話自己離開校園生活咁耐，對佢嚟講真係好難、唔容易：「記得自己身處於8小時緊張的廚房節奏，竟然於限時前1分鐘……卡在多次嘗試替那個還未雪硬的tart甩模的步驟上……真崩潰！怕未能及時交上作品，當時腎上腺素飆升到頂點時，那種徬徨無助的狀態真煎熬！幸好一切有驚無險，順利完成！走出考試場地那一刻，所有壓力終於可以釋放出來時，眼淚就忍不住了！」

（點擊放大睇圖片）

有驚無險，終於畢業嘞！Gigi話好唔捨得一班同學、老師，仲用佢經典畢業必唱歌《Today》表達心情，「哈哈！聽起來真的很傻……但那一刻來到課程最後一天，既不捨得一班並肩上陣的同學和導師，同時終能釋放連日來考試的壓力；又加上『離開這一刻感覺不會忘記』的離別之情，五味雜陳加上尚未平復的緊張心情，認真難忘！」Gigi感謝導師同助教阿貽，令自己由零開始到而家可以完成呢個文憑試，話學習過程中最大得益係得到知識、友誼，呢啲先係最無價嘅收穫。