講你都唔信丨曾志偉變保守 錢嘉樂插嘴穿橋 網友斥節目炒冷飯：又悶又嘈

事隔五年，曾志偉升呢無綫高層後再次主持綜藝節目《講你都唔信》，首集夥拍錢嘉樂、丁子朗和林秀怡，邀請到嘉賓林盛斌（Bob）、范振鋒、王梓軒、莊鍶敏（原名：莊思敏）、江美儀和「波波」黃婧靈（原名：黃凱儀）互相講故事，敵隊要估到底他們口中的故事是真是假，主題是「一生人最瘀嘅事」。網友在TVB FB留言斥節目又悶又嘈，似乎「獎門人」今次再出山，有點出師不利。

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

曾志偉轉口風暫緩電視城閉環管理 「如政府借地方起方艙很樂意」【下一頁】

{{hket:inline-image name="bjaksdl.JPG"}}{{/hket:inline-image}}

{{hket:inline-image name="NAD.JPG"}}{{/hket:inline-image}}

首先，今次遊戲並不是新鮮事，早於2019年的汪明荃主持的綜藝節目《娛樂大家》中，其中一個環節「真假話題」已經玩過，當時的嘉賓黎芷珊自爆被高價邀請拍三級片、羅子溢（前名：羅仲謙）爆自己為追女仔寒天跳海、薛家燕爆曾經差啲被人串謀「標參」等等，對比起《講你都唔信》，內容精彩得多。

昨晚，六位嘉賓輪流分享故事，雖然江美儀自爆在男友面前山邊肚瀉，加上波波分享自己走光露底的經歷，不過都突破不到悶局。姑勿論嘉賓的故事內容，曾志偉相比起以前的「獎門人」變得保守，甚少挖苦嘉賓和主持，連傳聞中的波波出場講故事，他都刻意坐下來，跟波波保持距離。而錢嘉樂在嘉賓講故事期間，多次劖亂歌柄，嘉賓未講到「戲肉」，他就率先「穿橋」玩踢爆，令節目節奏完全錯晒！

曾志偉率約12名藝人組「閉環天團」 網傳疑似節目表勁似《歡樂今宵》【下一頁】

節目出街之後，不少網友去到TVB官方FB洗版式留言，大部分都怒斥節目無聊又悶，加上來賓你一言我一語一味得個「嘈」字，非常反感。「超無聊，仲以為獎門人有乜牌出，睇佢個精神/神情已經沒有活力了」、「失望無聊有啲悶」、「今次真係失敗，嘈過街市，由頭到尾都冇笑過，感覺上做得非常之求其，唔想做就唔好搞啦！」、「又嘈又悶⋯⋯失敗中嘅失敗⋯⋯快腰斬⋯」、「還我肥媽6號」等等。

「獎門人」曾志偉提到因配合政府全民強檢封城禁足的計劃，所以準備「閉環」管理電視城，作出一系列節目準備。而他亦形容《講你都唔信》是預演，不過如今「全民強檢」計劃已經暫緩，加上網民們一致的負評，相信曾志偉都要檢討一下遊戲節目流程。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉