無綫與香港電台（港台）今年破天荒聯合舉辦《香港金曲頒獎典禮2021/2022》，就今次合作，無綫總經理（節目內容營運）曾志偉日前表示：「期待做個有公信力同認受性嘅頒獎禮，希望日後同更多唔同媒體合作，樂壇頒獎禮需要有一個新局面，應該畀全世界投票同參與。」不過，無綫前總經理陳志雲大潑冷水，認為無綫此舉是因為知道自己勢弱，要靠港台的力量去夾擊ViuTV。
同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服
兩台合辦的《香港金曲頒獎典禮2021/2022》鐵定於4月3日假九展Star Hall舉行，屆時會頒發13個類別獎項，包括金曲獎、男女歌手獎等。在日前的記者會上，曾志偉指廣東歌在以前有崇高的地位，要重拾昔日的光輝，先要得到自己人的認同，所以他希望所有歌手互相支持；曾志偉同時表示，非常歡迎人氣男子組合MIRROR和ERROR參與無綫的《勁歌金曲》等音樂節目，而《聲夢傳奇》的學員亦可亮相ViuTV的《Chill Club》。另外，香港電台顧問（節目）何重恩指港台有很多聽眾，無綫的覆蓋率亦很高，認為這個合作是天衣無縫，他還重提在10多年，曾有意合辦四台聯頒，可惜至今仍未達成目標，不過現時總算踏出第一步。
無綫港台首度合辦樂壇頒獎禮 曾志偉歡迎所有歌手參與【下一頁】
欲將香港樂壇團結起來的這個想法，最終又是否能夠盡如人意？無綫前總經理陳志雲在電視圈打滾多年，現時是商台首席智囊，他對兩台聯頒有一套見解。昨晚，他在個人YouTube頻道《志雲頻道》的「晚間短評」環節中，提及何重恩交代頒獎禮的評分機制，指港台中文歌曲榜和無綫勁歌金曲榜，屆時會統計每年的入榜歌後再集合一張選舉名單，並由專業評審和民意調查加起來的總分而選出得獎者，認為這是一個公平、透明的機制，不過陳志雲就質疑，「佢冇交代清楚係用乜嘢機制同原則進行篩選，如果首歌根本入唔到榜，專業評審同民意都冇辦法就呢啲歌曲進行評分同投票。」
提及曾志偉指現時是電子化世代，樂壇頒獎禮應有新局面，讓全世界投票和參與，陳志雲認為對方只講出部份原因，他說：「真正原因並不在此，而係在於無綫知道自己勢弱，特別喺流行音樂嘅推廣同應受性方面，所以想借香港電台嘅力，夾擊ViuTV咁解嘅啫！當無綫仲係強勁嘅時候，根本唔會考慮呢類方案，呢個舉動喺TVB嚟講，可以話係認輸嘅一步，願意讓出自己挑選歌曲嘅部份主權梗係有原因，絕對唔會只係為咗樂壇需要一個統一嘅頒獎禮咁簡單。」
無綫前總經理│陳志雲斥舊東家負面遭大家離棄 「請多100個曾志偉過嚟都係冇用」【下一頁】
陳志雲指自己從來不相信樂壇需要一個統一的頒獎禮，因為每個平台都有自己的準則，他說：「有啲靠播放率，商台係一個例子，擺明車馬係專業推介，首歌上唔上到榜，要視乎903 DJ們嘅喜好，大家可以唔同意佢哋嘅選擇，但最少機制係透明，播放率都係數得出嚟。有啲平台係靠民意調查，有啲純粹基於商業考慮，有啲只係靠內部某啲高層嘅喜好去決定都未定。不論你贊唔贊同呢啲準則，我真係唔知點解唔同嘅平台，要為咗一個統一頒獎禮而放棄自己嘅準則。」
陳志雲續稱︰「我反而覺得頒獎禮越多，越能夠推動樂壇，越能夠帶出話題，越能夠帶動歌迷們嘅參與，越能夠畀音樂人更多嘅鼓勵。將所有頒獎禮變成一個頒獎禮反而係適得其反，其實只要呢啲準則講得清楚，即使有多個頒獎禮，每一個頒獎禮都可以有認受性同公信力，統一咗成為一個頒獎禮，如果準則唔清唔楚，佢都冇辦法得到認受性同公信力。點講都好，曾志偉今次嘅做法係聰明，但當然都係可悲，因為證明咗TVB喺樂壇上面再唔係舉足輕重。我敢斷言，曾志偉話希望將來能夠有一個結合多個平台嘅樂壇頒獎禮，佢呢個希望係一定唔會實現。」
最後他說到港台︰「難以明白點解願意放棄自己多年嚟嘅傳統、原則去幫助一間商業機構？成為一間商業機構嘅棋子嚟面對佢嘅勁敵？不過呢個問題，我諗都冇謂，反正今日嘅香港電台已經唔係往日嘅香港電台，佢哋嘅決策好難用常理嚟解釋。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】