《萬千星輝頒獎典禮2021》提名｜入選名單爆多人最後五強幾時有？ 曾志偉臨時開會未有出席活動

TVB《萬千星輝頒獎典禮 2021》定於下年1月2日舉行，今日（25日）公布提名名單，但其實呢份名單只列出入圍嘅人，基本上只要有作品就必會入選。最後五強就要到頒獎禮當刻才會誕生，會由觀眾投票加專業評審意見選出。呢份名單嘅視帝、視后、女配、男配等獎項有大量候選人，到底花落誰家真係輪廓都未睇到。

{{hket:inline-image name="30.jpeg"}}{{/hket:inline-image}}

其中飛躍男、女以往都冇太多候選人，不過今年每個獎都有至少40人入圍，幾乎係有出鏡就有機會爭，完全估佢唔到。另外，同往年唔同嘅仲有今年將最佳主持分拆為男、女主持；而綜藝方面，上年只有「最佳非戲劇節目」，而今年則有「最佳綜藝節目」、「最佳資訊及專題節目」和「最佳年度及特備節目」，將一個獎拆開三個，多啲人歡喜！

今日嘅活動唔太多「大牌」藝人出席，連原定會出席活動嘅無綫電視總經理（節目內容營運）曾志偉同電視廣播有限公司助理總經理（藝員管理及發展）樂易玲都臨時要開會未能現身。日前曾志偉老友譚詠麟捲入內地桃色風波，唔知一向多計嘅佢會唔會都正疲於幫校長出謀獻策。

圖片來源：《晴報》攝影記者林良明

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】