合味道紀念館 BUY & TRY 逢周五升級特價

為咗留家抗疫，好多人都會儲定糧。公關姊妹同黛安講，「合味道紀念館」決定將早前每月推出嘅「日清美味BUY & TRY」恆常化，即日起升級做「日清Friday BUY & TRY」，逢周五都會推出激筍優惠，提供逾80款激抵嘅產品。

姊妹話，為咗慶祝今次優惠升級，館方特別推出本月限定嘅原箱優惠，一箱30包麻油味出前一丁只售$90！姊妹仲叫黛安mark定幾款人氣產品，例如「北海道小麥粉麻油味出前一丁5包裝」（$20件），呢款麵採用100%北海道小麥粉製作，麵條口感彈牙；仲有「柚子胡椒豬骨湯味出前一丁棒丁麵」（$45/5件），以其幼細直身嘅麵條，帶出日本地道湯拉麵嘅美味；「福辣雞味炒麵」（$10件）就夠晒煙韌彈牙，辣味層次豐富，最啱鍾意食辣嘅朋友。

此外，館方亦集合咗50幾款日清麵食，及30幾款零食、甜品、冷凍食品、新鮮沙律菜等，全部都以特價發售，大家記得去掃貨喇。