吳婉芳頭髮烏黑濃密大仔轉眼27歲 輕搭新抱肩膀影全家福超溫馨

1986年港姐亞軍，現年54歲嘅吳婉芳與已故富豪老公胡家驊育有兩子一女。自先生過身之後吳婉芳都甚少喺公眾場合露面，不過每次只要佢出現，佢驚人嘅凍齡外貌同身材都會成為焦點，堪稱最強美魔女。

同場加映：《東張西望》正義女神︳利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

唔經唔覺吳婉芳嘅大仔胡智略（Casper）已經27歲，上年更已經成家立室迎娶霍英東孫女霍詠盈（Caroline）。同Casper門當戶對嘅Caroline喺結婚之前已經好入屋，吳婉芳一家一早都已經當咗佢係一家人，日前細仔Lynus趁住哥哥生日，就第一次post咗佢哋喺屋企影嘅全家福！相中生日嘅Casper就被簇擁，相中吳婉芳企喺後排，輕輕搭住新抱仔嘅肩膀，單係呢個小動作已經知佢係一個非一般和藹嘅奶奶。Lynus另外仲post咗一張佢哋18年前為哥哥慶生嘅相，見到三兄妹都係由細靚到大呀！

{{hket:inline-image name="1.png"}}{{/hket:inline-image}}

吳婉芳同Caroline關係一向都好好，婚後曾被影到兩婆媳孖公仔去名店睇水晶燈，全程有商有量。雖然全程都由吳婉芳同店員溝通居多，但佢不時都問吓Caroline意見。當晚吳婉芳同Caroline會合Casper三人行食晚飯，沿途吳婉芳同Caroline仍然雞啄唔斷係咁傾，阿仔就默默跟喺後面，女人傾起偈，真係阿仔都插唔到嘴，相信吳婉芳一定好滿意Caroline呢位新抱。

另一個焦點再次落喺吳婉芳身上，一把烏黑濃密嘅秀髮令佢睇落非常年輕，唔少網民都大讚佢一家顏值超高：「吳婉芳的孩子都遺傳到媽媽的基因」、「吳婉芳還像個少女」，更有人話自己追蹤Lynus都係為咗知道吳婉芳近況。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】