ERROR嫌新歌點擊率未達標 笑斥MIRROR出歌出得太密

男子組合ERROR歌曲《愛情值日生》在2月18日推出，MV在YouTube上架後，至今已錄得超過120萬點擊率。ERROR ４位成員肥仔（梁業）、阿Dee（何啟華）、吳保錡和193（郭嘉駿）早前接受《晴報》專訪時，肥仔表示點擊率未達標，他說：「我哋本身預期係2、300萬（點擊率）。」講完隨即哈哈大笑，阿Dee問肥仔：「笑咩？唔准笑，畀啲信心自己！」肥仔續說：「啱呀，本身預期係404萬，起碼都呢個數啦！」阿Dee表示：「基本吖，可能因為MIRROR同期出歌出得太密，影響到我哋嘅升幅。」肥仔笑言要跟經理人花姐商量，阿Dee提議MIRROR加入ERROR， 大家共同一體，一起分享資源。

{{hket:ul-video id="5428"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="269519775_356749246217272_7352016412162356930_n.jpg"}}{{/hket:inline-image}}

對於ERROR邀請了謝安琪（Kay）和張繼聰參加MV中演出，當中4子負責輪流冧Kay，花招盡出；女方在IG留言，說在他們身上找回戀愛感覺，4子似乎很會討女性歡心？阿Dee說：「我哋4個各有唔同嘅嘢叻，我哋高度都唔同，會應付唔同高度嘅女性，越高嘅女性就越難搞，所以就交畀193，因為193都難搞，咁先會負負得正。」保錡說：「我呢，本身冧女仔唔係特別好，所以我會問阿Dee意見，ERROR軍師就係阿Dee。」阿Dee笑他突然奱得很謙虛。

身為隊長的肥仔立即說：「等我持平講番句，最勁一定係193，如果唔係佢唔可以拍《戀講嘢》。」阿Dee亦指193與很多女性合作。而193又將個波拋畀阿Dee，笑稱：「呢方面呢……拍《戀講嘢》，同女性合作，我都係問阿Dee，因為佢都係我軍師。」阿Dee哈哈大笑：「我都估到你咁講！」

ERROR爆新歌取材王先生婚外情 阿Dee何啟華：我哋身位好啱食呢件事【下一頁】

{{hket:inline-image name="11.jpg"}}{{/hket:inline-image}}

在現實中，他們當然不可能接受女友一腳踏多船，193笑言只能接受自己一腳踏多船，阿Dee認同其說法，「對敵人仁慈，即係對自己殘忍！」肥仔突然語出驚人，「我拍完呢個MV，發覺人妻都可以好好……」阿Dee一臉懷疑表示：「what？」肥仔笑稱謝安琪太正，「自己都唔可以自拔……」其實肥仔的意思，是想說這個MV實在太正，很有戀愛的感覺。阿Dee笑言：「最正係阿聰，我哋想溝咗Kay先再溝阿聰。」肥仔︰「而家每天同張繼聰拍劇，都會灌佢迷藥……」言猶未盡，保錡瞪大眼，「肥仔你好癡漢！」

193表示暫時未有這個構思下一首團歌的計劃，同時透露ERROR即將籌備一個綜藝節目。

193受疫情影響咖啡店未能如期開業 「啲貨去咗邊都未check到」【下一頁】

疫情關係，各行各業深受影響，肥仔與MIRROR成員Anson Kong（江𤒹生）及Jer（柳應廷）開設的日式串燒店「影の鳥」亦備受考驗，肥仔說：「食肆喺疫情下係最難捱，始終限制咗人數，會辛苦好多，唔蝕錢已經好好。」阿Dee、保錡的服裝生意，因運輸受阻而受到影響，幸好銷售方面起碼有一班fans支持。而193日前透露因有中港司機確診，以致其Cafe的裝修物料未能如期運抵香港，令開業日子延誤，現時是否要白交租金？他說：「係呀！要求咗多啲免租期，都ok嘅，一開始已經同業主傾咗，而家仲cover緊免租期，希望可以再傾多啲，因為已經delay咗成個月，仲要遙遙無期（指開業），唔知要delay到幾時。」有否計算過現時損失多少？193續說：「冇乜計過呢條數喎，應該賺得番嘅，心態要向好嗰方面去諗。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】