MIRRORxERROR踩入屯門粉絲迫爆商場 肥仔打排球打中老闆星途GG了

人氣組合MIRROR同ERROR一行16人今日（23日）踩入信和置業旗下嘅屯門市廣場，為ViuTV奧運節目造勢，兩幫粉絲通宵守候霸靚位，超過千名粉絲及「前夫們」迫爆商場，尖叫聲震耳欲聾。30幾度天氣之下，MIRROR同ERROR竟然以秋冬造型現身，其中以《大叔的愛》兩位主角Edan（呂爵安）和Anson Lo（盧瀚霆）的粉絲最強勁，他們代表ViuTV率先預告將會推出《水著考有FEEL》同《力圖打排球》兩個節目。被問到水著方面，MIRROR指會努力操弗，不過最擔心的不是身材方面，而是要對付ERROR的古惑「茅招」；ERROR就聲稱自己不是「茅」，而是「食腦」。

{{hket:inline-image name="412e6ff7-4fa2-4465-8d92-ba455b5230a7.jpg"}}{{/hket:inline-image}}

MIRROR接受訪問時表示感激粉絲們的支持，通宵排隊來撐場，「見到粉絲好雀躍，頭先喺休息室入面真係有少少耳鳴嘅感覺，（擔心地陷？）唔會嘅，對屯門水泥結構有信心。」至於Anson Lo近日被翻炒昔日感情事，他表示沒有被影響心情，「多謝粉絲們支持同留言去關心我，我ok的，專注工作；見到好多粉絲出嚟支持我哋，多謝大家。」

MIRROR在台上示範打排球嗰陣，肥仔（梁業）唔小心將個波打到台下嘅老細魯庭暉，全場即時起哄。老闆魯庭暉事後喺IG話永遠懷念肥仔，「呀（阿）監製，今晚6:00 ViuTV個奧運opening係咪預咗MIRROR，ERROR同好多artists㗎話？個廠會唔會太多人太逼呀？#永遠懷念肥仔@ERROR 」ERROR成員阿Dee立即留言說：「副隊長而家係咪有機會升職做隊長啦？」而另一成員193亦笑言：「ERROR從此變成三人組合！」ERROR受訪時表示多謝粉絲們支持，自嘲叨MIRROR光才會有如此墟冚場面，否則連前排嘉賓席的座位都會坐不滿。提到《水著考有feel》節目，ERROR表示水著難不倒他們，但193「心虛」稱上身的肉應該會鬆弛，肥仔說：「怕咩？MIRROR一樣有人啲肉係鬆，兩個字嘅！」

編輯：楊安莉

同場加映： 不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】