幣少爺轉戰樂壇邀趙展彤合唱 豪擲百萬製作MV真彈藥炸「首富」

網絡紅人「幣少爺」黃鉦傑近年他變身成為獨立歌手，以藝名BSY轉戰樂壇，新歌《BTC STYLE》更找來《全民造星4》的趙展彤合唱；而「銀彈」十足的BSY，更豪擲一百萬製作MV，當中包括一場真。爆破場面，「我邀請咗我啲粉絲去現場睇爆破，因為威力驚人，所有人呆咗五秒。」果然有錢就是任性。

同場加映： 江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

現年28歲的BSY，因參與炒賣加密貨幣而獲得第一桶金，家住九肚山的他，不時在社交網大曬其豪宅及名貴跑車，就連新歌和MV製作亦豪氣過人。BSY今次一手一腳構思整個MV，當中一百萬的MV製作，除了後期的CG製作，最揼本是爆破場面。「我哋用真炸藥同火藥現場爆破嘅，場景搭建好有未來感，炸藥嘅目標係當今世界其中一位首富，我哋整咗佢個模型公仔，擺喺MV入面炸咗佢，因為佢連累好多人輸錢，我亦都係苦主之一，所以要做啲嘢洩憤。」

{{hket:inline-image name="8S4A8570.JPG"}}{{/hket:inline-image}}

BSY坦言拍爆破場面十分危險，所以事前做足準備，包括購買保險及聘請了一支專業的爆破隊伍。「其實香港就只得呢幾個專業人士，亦要申請得到批准先可以做，我都邀請咗我啲粉絲去現場睇爆破場面，佢哋行到九丈遠咁睇，不過因為威力驚人，爆完之後所有人原地企喺到呆咗五秒，畀唔到反應。」至於邀請趙展彤合唱，BSY大讚對方英文發音和腔調很鬼妹，而自己希望這首歌引起世界各地玩加密貨幣的人共鳴，所以邀請她合作。「今次MV本來搵埋趙展彤一齊拍，但因為佢要參加《造星4》，個檔期夾唔到，咁我就請咗個女主角取代佢個位置。」

《BTC STYLE》是BSY的第四首歌，對於踩過界做歌手，BSY直言希望透過音樂去抒緩自己的壓力和情緒。「人要有發洩點嘅，而家疫情好多都唔做得，又無得去旅行，咁咪玩吓歌。」不過BSY並沒想過音樂會帶給他甚麼回報，「因為我都知道做音樂係搵唔到錢嘅，所以無諗有咩回報，純粹因為自己鍾意就去做，如果有唱片公司想簽我？都可以考慮下，但我唔想任何人改變我嘅風格同路線。」

撰文：倪小珊