「富貴KOL」雪姨（容可兒）在1月尾曾拍片試食三間食肆的迷你盆菜，片中的她明顯偏頗，不但以酒店出品的盆菜跟茶餐廳盆菜比較，更原來另有目的，乘機宣傳生髮產品。結果雪姨被網民洗版狂轟，要求她和基隆茶餐廳道歉。自知玩出火的雪姨即刪片兼公開道歉，望平息眾怒，之後「潛水」。雪姨銷聲匿跡一個多月後，昨晚（28日）在其個人YouTube頻道「回歸」，新影片用「斷捨離」做主題，表示在過去的個幾月她亦已審視自己，看見了自己的不足，更揚言要成為更好的人。
同場加映：Jeremy認個性沉實不及其他成員風趣 做貼地偶像喜見媽媽興奮炫耀
雪姨新片題為：「實踐斷捨離 回顧所擁有的 然後清空一些身外物和關係 成長變為更好的自己」，在片中分享自「盆菜事件」後自己受啟發到的5件可斷捨離的事物。影片描述如下：「人總要經過學習同埋磨練才能成長，而第一步我選擇透過斷捨離去檢視自己，包括身處嘅地方、環境及身外物，當然自身嘅自省及更新都好重要，過去嘅個多月經歷了種種嘅風風雨雨，沉澱和磨練係人生最真誠嘅走過，多謝大家一直喺我身邊陪我一齊成長」。
影片中，雪姨收起了昔日拍片浮誇的風格，而是平實地分享自己的體會。她說：「好耐都冇喺YouTube同大家見面，真係好耐都冇試過成個月都冇拍片⋯⋯經歷咗咁多事，我覺得斷捨離係人生幾大課題。」
她又提到經過了這一個多月的沉澱後，見到自己不足的地方，又搵番自己拍片的初衷。「覺得自己之前走得太快，審視咗自己之後，發現自己仲有很多地方有進步的空間，反而想做好每一條片的content（內容），過去做錯嘅嘢我一定會努力改變，做一個更好的人同YouTuber。」
雪姨亦指發現自己遇到「人生低潮」時，其實自己無想像中咁堅強，「喺呢段時間一直想令自己內心強大啲，將事情好好消化，然後再企番起身，變成一個更好嘅人。」
不過，新片反應兩極，當中有人撐雪姨：「我真心覺得雪E為人唔壞, 只係一時過咗火, 絕對唔係D（啲）全心傷害人的人, 加油!」、「見到咁正經既（嘅）雪姨 真係好唔慣，加油，希望時間過去，可以見返真正既（嘅）雪姨」、「潮落之後一定有潮起！加油呀雪姨！保重身體」。
亦有人網民留言表示唔撐，照鬧：「真係想令自己做更好既（嘅）人，應該直接第一條片就道歉，你避開唔講只會令唔鐘（鍾）意你既（嘅）人更唔鐘（鍾）意你。」、「出片先醒起要斷捨離呢個channel」、「之前成日喺度晒有錢同狂賣廣告，物質主義。而家就出片教人斷捨離」、「雪E幾時斷捨離埋自己個YouTube channel啊？」、「不如拍條片道歉左（咗）先」、「拍番條片去道歉，公關要做好啲」、「雪姨氣場無咗，無以前咁有活力，明顯收斂咗好多，好睇唔慣...」
而她的YouTube頻道訂閱人數亦減少了，雪姨在片中提及YouTube頻道在兩年時間，訂閱人數由12萬變32萬，不過在新片推出後，在截稿前，她的頻道訂閱人數是30.9萬。
公關災難丨雪姨試食盆菜捧酒店狂踩茶餐廳 被洗版狂轟冇良心：我會彌補【下一頁】
撰文：娛樂組